སྐུ་འབུམ་བྱམས་པ་གླིང་གི་མེ་ཏོག་མཆོད་པ།
སྤེལ་དུས 2022-02-16
ཡོང་ཁུངས། ཁམས་པའི་དྲ་བ།
རྩོམ་པ་པོ།
སྐུ་འབུམ་བྱམས་པ་གླིང་གི་མེ་ཏོག་མཆོད་པ་ནི་ལོ་རེའི་ཧོར་ཟླ་དང་པོའི་ཚེས་བཅོ་ལྔའི་མཚན་མོར་ཡིན་ལ། དགོན་པའི་གྲྭ་བཙུན་རྣམས་ཀྱིས་འབྲི་མར་སེར་པོ་ལ་བརྟེན་ནས་སྐྱེས་རབས་དང་རྣམ་ཐར། རྟོགས་བརྗོད་སོགས་ཀྱི་སྐུ་བརྙན་བཞེངས་པའི་ཐུན་མོང་མ་ཡིན་པའི་ལག་ཤེས་སྒྱུ་རྩལ་ལ་མཇལ་བའི་དུས་ཆེན་ཞིག་ཡིན། མེ་ཏོག་མཆོད་པ་འདི་ཉིད་ནི་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་གྲས་སུ་གཏོགས།
ལོ་རེའི་རྒྱ་ལོ་ཐོན་ལ་ཉེ་བའི་ལོ་རྙིང་གི་སྐབས་སུ། དགོན་པའི་ནང་ཆེད་དུ་མཆོད་མར་མེ་ཏོག་བཞེངས་བའི་སྡེ་ཁག་སྟེ་མཆོད་རྒྱན་གླིང་གོང་མ་དང་ཞོལ་མ་གཉིས་རྩ་འཛུགས་བྱས་ཤིང་། གླིང་དེ་གཉིས་ཕན་ཚུན་འགྲན་རྩོད་སྒོས་མཆོད་མར་མེ་ཏོག་གི་བཟོ་རྩལ་སྔར་ལས་ཇེ་ལེགས་སུ་གཏོང་བཞིན་ཡོད་པ་དང་། འདི་ནི་རྒྱ་ལོའི་སྨོན་ལམ་ཆེན་མོར་མཆོད་མཇལ་བྱེད་པའི་སྐུ་འབུམ་དགོན་གྱི་ཆོས་ལུགས་ཀྱི་ཆོ་ག་གཙོ་བོ་ཞིག་ཡིན།
དེ་ཡང་མཆོད་མར་མེ་ཏོག་གི་ཇུས་འགོད་དང་བཟོ་སྐྲུན་སོགས་ནི་གནའ་ནས་བཟུང་དགེ་རྒན་ནས་སློབ་མར་བརྒྱུད་སྤྲོད་གནང་བའི་སྲོལ་བཟུང་ཡོད་པ་རེད། དེའི་བཟོ་བཀོད་ཐད་ཆ་ཚང་བའི་སྒྲིག་གཞི་དང་ཚན་རིག་གི་གོ་རིམ་ལྡན་ཏེ། སྐུའི་ཐིག་རྩ་དྲང་ཞིང་ཞིབ་ཚགས་ཆེ་བ་དང་། ཁ་དོག་བཀྲ་བ། རྣམ་པ་གསལ་བ། བརྗོད་བྱ་སྣ་མང་ཞིང་རྒྱབ་ལྗོངས་མཛེས་སྡུག་ལྡན་པ་སོགས་ཁྱད་ཆོས་འཛོམས་པའི་ལག་ཤེས་མཆོག་གྱུར་ཞིག་ཏུ་གྲུབ་ལ། ཐིག་རྩ་རིག་པ་དང་ཚོན་མདོག་རིག་པ། རྒྱན་སྤྲོས་རིག་པ། བརྐོས་བཀྲོལ་རིག་པ་སོགས་ཆུ་ཚད་མཐོ་བ་ལས་གཞན་ད་དུང་དེ་ལ་ཆོས་ལུགས་རིག་པ་དང་། དམངས་སྲོལ་རིག་པ། ལོ་རྒྱུས་རིག་པ་སོགས་ཀྱི་རིན་ཐང་ཆེན་པོ་ལྡན་པ་ཡིན།
རྩོམ་སྒྲིག་པ། སྣང་རྡོར།
