གཏོར་གཟུགས་མཆོད་རྟེན་གྱི་མཐོ་ཚད་ཇི་ལྟར་གཞལ་བ་ཡིན་ནམ།

 

          ཨེ་ཅིབ་ཀྱི་གཏོར་གཟུགས་མཆོད་རྟེན་བརྗིད་རྔམས་ཆེ་བ་དེ་དག་ནི། མིའི་རིགས་ཀྱི་ཤེས་རིག་ལོ་རྒྱུས་ཐོག་གི་ངོ་མཚར་བའི་རྟེན་བཞེངས་བཟོ་རྩལ་གྱི་གྲུབ་འབྲས་ཅི་ལ་མིན་ཏེ། འགའ་རེའི་མཐོ་ཚད་ལ་སྨིད140ལྷག་ཡོད། འོན་ཏེ། གཏོར་གཟུགས་མཆོད་རྟེན་དེ་ཚོའི་མཐོ་ཚད་ཇི་ལྟར་བྱས་ནས་ཚད་གཞལ་བ་ཡིན་ནམ། སྤྱི་ལོ་སྔོན་གྱི་དུས་རབས6པའི་གཡས་གཡོན་དུ་མི་རྣམས་ཀྱིས་གཏོར་གཟུགས་མཆོད་རྟེན་དེ་དག་གི་མཐོ་ཚད་ཏག་ཏག་ཞིག་ད་དུང་གཞལ་ཐུབ་ཀྱི་མེད། རྗེས་སུ་གནའ་བོའི་གྷི་རི་སིའི་རང་བྱུང་ཚན་རིག་མཁས་ཅན་དང་མཚན་ཉིད་རིག་པ་བ་ཐེ་ལེ་སི（泰勒斯）ཡིས་གནད་དོན་འདི་སེལ་བར་བྱས་པ་་རེད། ཐེ་ལེ་སི་ཡིས་གཟུགས་ཅན་ཡོད་དོ་ཅོག་ལ་གྲིབ་གཟུགས་ཡོད་པ་དང་། གལ་ཏེ་རང་གི་གྲིབ་གཟུགས་དང་གཟུགས་ཀྱི་རིང་ཚད་གཅིག་མཚུངས་ཡིན་དུས་སུ་གཏོར་གཟུགས་མཆོད་རྟེན་གྱི་གྲིབ་གཟུགས་ལ་ཚད་འཇལ་བ་ཡིན་ན། དེ་ནས་བསྡུར་ཚད་ལ་གཞིགས་སྟེ་གཏོར་གཟུགསམཆོད་རྟེན་གྱི་མཐོ་ཚད་རྩིས་རྒྱག་ཐུབ་པ་རྟོགས།  ཁོང་གིས་ཐབས་ཤེས་དེ་ལ་བརྟེན་ནས་གཏོར་གཟུགས་མཆོད་རྟེན་གྱི་མཐོ་ཚད་གཞལ་བ་ཡིན་ཅིང་།  གཞལ་འབྲས་ལ་མི་རྣམས་ཀྱིས་ཁས་ལེན་ཡང་ཐོབ་ཡོད་དོ༎