གཏེར་མ་བྱུང་ཚུལ།

དེ་དག་གི་ཁྲོད་ནས་མངའ་བདག་ཉང་ཉི་མ་འོད་ཟེར་དང་།   གུ་རུ་ཆོས་ཀྱི་དབང་ཕྱུག་གཉིས་ལ་གཏེར་སྟོན་གོང་འོག་གཉིས་ཞིས་འབོད་ལ། ཉི་ཟླ་ལྟ་བུའི་གཏེར་སྟོན་གྱི་རྒྱལ་པོར་བྱེད།གཏེར་སྟོན་གྲྭ་པ་མངོན་ཤེས་འབར་གྱིས་གྲ་ཐང་སོགས་གནས་གཞི་བརྒྱ་རྩ་བརྒྱད་ནས་གཏེར་བཏོན་ཞིང་སྐུ་གསུང་ཐུགས་རྟེན་མང་པོ་བཞེངས།   ཁྱད་པར་དུ་སྨན་གྱི་རྒྱུད་བཞི་སོགས་གསོ་དཔྱད་ཀྱི་སྐོར་མང་པོ་བཏོན་པས་བཀའ་དྲིན་དང་འཕྲིན་ལས་ཆེ་བར་གྲགས།

ཟབ་མོ་དག་སྣང་གི་བརྒྱུད་པ་ནི།གྲུབ་པའི་གོ་འཕང་བརྙེས་པ་འགའ་ཞིག་ལ་ལྷག་པའི་ལྷས་ཞལ་བསྟན་ནས་དངོས་སུ་གསུངས་པའི་གདམས་པ་སྟེ། འདི་ཡང་གྲུབ་མཐའ་ཐམས་ཅད་ལ་ཡོད་ཅིང་། རྙིང་མའི་ཕྱོགས་སུ་མང་ཙམ་ཞིག་བྱུང་སྣང་ངོ་།།