དགུན་དུས་བོད་ལྗོངས་སུ་གནས་སྐོར་དུ་ཡོང་མཁན་རིམ་བཞིན་ཇེ་མང་དུ་གྱུར། གྲོང་ཚོར་དགུན་ཁའི་གུང་གསེང་གི་གསབ་སྦྱོང་འཛིན་གྲྭ་གཉེར་བ། མཚོ་སྔོན་གྱིས་ཆུ་བོ་དང་མཚོའི“གང་བྱུང་བཞིའི” གནད་དོན་756དག་ཐེར་བྱས་པ། བདེན་འཚོལ་དུས་དེབ་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་ལོ་རྒྱུས་དངོས་གཙོ་རིང་ལུགས་རྒྱུན་འཁྱོངས་ཀྱིས་དེང་རབས་ཀྲུང་གོའི་མར་ཁེ་སི་རིང་ལུགས་འཕེལ་རྒྱས་ཀྱི་མཐོ་ཚད་གསར་པ་རྒྱུན་ཆད་མེད་པར་གཏོད་དགོས་ཞེས་པ་སྤེལ་བ། བོད་རང་སྐྱོང་ལྗོངས་སྲིད་གྲོས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པ་གཟབ་རྒྱས་ངང་འགོ་ཚུགས་པ། མང་ཚོགས་ཀྱི“མགྲིན་ཚབ་པ”ཡག་པོ་ཞིག་བྱེད་ཀྱི་ཡིན། “པེ་ཅིང་དུ་འཛོམས་པ”ཞེས་པའི་སྐབས་དང་པོའི་རྒྱལ་སྤྱིའི་ཐང་གའི་སྒྱུ་རྩལ་འགྲེམས་སྟོན་དང་འཛམ་གླིང་ཐང་གའི་སྒྱུ་རྩལ་ཚོགས་ཆེན་པེ་ཅིང་དུ་གཟབ་རྒྱས་ངང་སྤེལ་བ། 2019ལོའི་རྒྱལ་ཡོངས་ཕུལ་བྱུང་དགེ་རྒན་གྱི་གཟེངས་རྟགས་ཐོབ་མཁན་དགེ་རྒན་ལྷ་རྩེ་རྒྱལ། “ཕྱིར་སྐྱོད་དཀའ་བའི”དཀའ་གནད་བསལ་བས་མང་ཚོགས་ལ་སྟབས་བདེ་བྱུང་བ། མང་ཚོགས་ཚོའི་བདེ་ཐང་གི་སྲུང་སྐྱོང་པ།
ཀྲུང་གོའི་བོད་ལྗོངས་དྲ་བ། > མདུན་ཤོག > ཆོས་ལུགས་ཀུན་སྨོན།

ཚེ་སྨོན་གླིང་།

སྤེལ་དུས 2020-07-03 ཡོང་ཁུངས། ཡོངས་འཛིན། རྩོམ་པ་པོ།
         ཚེ་སྨོན་གླིང་དགོན་པ་དེ་ལྷ་ས་གཙུག་ལག་ཁང་གི་བྱང་ངོས་སུ་གནས་ཡོད་ཅིང་། དེ་ནི་ལྷ་སའི་གླིང་བཞིའི་ཡ་གྱལ་ཡིན།
         གཞི་རྩའི་གནས་ཚུལ།
         རྒྱ་ཡིག་གི་མིང་།策墨林
         1   ལོ་རྒྱུས་འཕེལ་རིམ།
         2   ནང་རྟེན།
         1 ལོ་རྒྱུས་འཕེལ་རིམ།
         ཐོག་མར་ཚེ་སྨོན་གླིང་སྐུ་ཕྲེང་དང་པོ་ངག་དབང་ཚུལ་ཁྲིམས་ནི་ཏཱ་ལའི་བླ་མ་སྐུ་ཕྲེང་བདུན་པ་སྐུ་གཤེགས་རྗེས་བོད་ཀྱི་སྲིད་སྐྱོང་གནང་ནས་ཏཱ་ལའི་བླ་མ་སྐུ་ཕྲེང་བརྒྱད་པར་ལོ་ངོ་ཉི་ཤུ་ཙམ་གྱི་རིང་ཕྱག་རོགས་ཞུ་མྱོང་ཡོད་པ་མ་ཟད།   མན་ཆིང་གོང་མ་ཆན་ལུང་གི་བཀའ་ཕབ་པ་ལྟར་པེ་ཅིང་དུ་ཕེབས་པས་རྒྱ་བོད་མི་རིགས་གཉིས་ཀྱི་མཛའ་མཐུན་ལ་ཕན་འབྲས་དང་མཛད་རྗེས་བླ་ན་མེད་པ་འཇོག་གནང་མཛད།  ཚེ་སྨོན་གླིང་སྐུ་ཕྲེང་གཉིས་པ་འཇམ་དཔལ་ཚུལ་ཁྲིམས་མཆོག་གིས་ཚེ་སྨོན་གླིང་དགོན་པ་ཕྱག་བཏབ་པ་མ་ཟད་རབ་བྱུང་བཅུ་བཞི་པའི་ས་ཡོས(སྤྱི་ལོ1819ལོ)ནས་རབ་བྱུང་བཅུ་བཞི་པའི་ཤིང་འབྲུག(སྤྱི་ལོ1844ལོ)སྟེ་ལོ་ངོ་ཉི་ཤུ་རྩ་ལྔའི་རིང་བོད་ཀྱི་སྲིད་སྐྱོང་གནང་བ་དང་དགའ་ལྡན་ཁྲི་པ་ཡང་གནང་ཐུབ་པ་བྱུང་ཡོད།
         2 ནང་རྟེན།
         མཐའ་བསྐོར་དུ་ཐོག་སོ་གཉིས་ལྡན་གྱི་ཤག་སྐོར།  ཤར་གཙུག་ལག་ཁང་ལ་ཕོ་བྲང་དཀར་པོ་དང་།  ནུབ་ཀྱི་གཙུག་ལག་ཁང་ལ་ཕོ་བྲང་དམར་པོ་ཀ་བ་གཉི་ཤུ་ཡོད་པའི་འདུ་ཁང་དང་།  ལྷ་ཁང་།  དགོན་ཁང་། མཛོད་ཁང་། སྒོ་འཕྱོར།  དཀར་ཆ་དོད་པའི་རབ་གསལ་སོགས་བཟོ་བཀོད་ཤིན་ཏུ་ལེགས་པོ་ཡོད་པ་དང་།  ད་དུང་ཕྱག་དཔེ་ཁང་གི་ཀུན་དགའ་རྭ་བའི་སྟེང་བཀའ་འགྱུར་དང་།  བསྟན་འགྱུར།  གསུང་འབུམ།  ལོ་རྒྱུས།  རིག་གནས་སོགས་ཀྱི་རྩ་ཆེའི་ཕྱག་དཔེ་ཉིས་ཁྲི་ལྷག་ཡོད་པར་གྲགས།   དེ་མིན་སྐུ་གསུང་ཐུགས་རྟེན་ནི་བརྗོད་ཀྱིས་མི་ལངས་པ་ཡོད་པ་སྟེ།  དངུལ་ལས་གྲུབ་པའི་སྒྲོལ་མ་དང་།  གསེར་ཟངས་ལས་གྲུབ་པའི་རྒྱལ་བ་བྱམས་པ།  རྗེ་ཙོང་ཁ་པ་སོགས་ཀྱི་སྐུ་བརྙན་དང་།  ཡི་དམ་དང་སྲུང་མ་རྟ་མགྲིན་བཅས་པའི་སྐུ་བརྙན།   ཚེ་སྨོན་གླིང་སྐུ་ཕྲེང་གཉིས་པ་འཇམ་དཔལ་ཚུལ་ཁྲིམས་ཀྱི་དངུལ་གདུང་དང་།   སྐུ་ཕྲང་གསུམ་པ་བསྟན་པའི་རྒྱལ་མཚན་གྱི་དངུལ་གདུང་ཐོག་ཚད་ལོན་པ།  སྐུ་ཕྲེང་བཞི་པ་ཐུབ་བསྟན་མཁས་གྲུབ་མཆོག་གི་གསེར་གདུང་།  སྐུ་ཐང་འཚེམ་དྲུབ་མ་སོགས་གྲངས་ལས་འདས་པ་ཡོད་པར་གྲགས།  ཚེ་སྨོན་གླིང་དེ་ལོ་རྒྱུས་ཐོག་གཙོ་གནད་ཆེ་བ་ཞིག་ཡིན་པ་སྟེ། སྐུ་ཕྲེང་དང་པོ་ངག་དབང་ཚུལ་ཁྲིམས་དང་།  སྐུ་ཕྲེང་གཉིས་པ་འཇམ་དཔལ་ཚུལ་ཁྲིམས།  སྐུ་ཕྲེང་བཞི་པ་ངག་དབང་བློ་བཟང་བསྟན་པའི་རྒྱལ་མཚན་བཅས་ཀྱིས་ལོ་མང་རིང་བོད་ཀྱི་སྲིད་ཚབ་གནང་མྱོང་ཡོད་ལ་སྐུ་ཐོག་གཉིས་པ་དང་བཞི་པ་རྣམ་གཉིས་དགའ་ལྡན་ཁྲི་པ་ཡང་གནང་མྱོང་ཡོད།