འདི་ལོའི་ལོ་སྟོད་དུ་སྒྲིག་བཤེར་ལྟ་ཞིབ་ལས་བྱེད་པ་1100ལྷག་ཙམ་ལ་ཆད་པ་ཕོག་ཡོད།
སྤེལ་དུས 2022-09-08
ཡོང་ཁུངས། མི་དམས་ཉིན་རེའི་ཚགས་པར།
རྩོམ་པ་པོ།
ཚེས་6ཉིན། ཀྲུང་དབྱང་སྒྲིག་ཨུད་དང་རྒྱལ་ཁབ་ལྟ་ཞིབ་ཨུ་ལྷན་གྱི་དྲ་ཚིགས་ཐོག་གནས་ཚུལ་སྤེལ་བར་གཞིགས་ན། ཀྲུང་དབྱང་སྒྲིག་ཨུད་དང་རྒྱལ་ཁབ་ལྟ་ཞིབ་ཨུ་ལྷན་གྱིས་2022ལོའི་ལོ་སྟོད་དུ་སྒྲིག་བཤེར་ལྟ་ཞིབ་ལས་བྱེད་པར་ལྟ་སྐུལ་ཞིབ་བཤེར་དང་བརྟག་དཔྱད་བྱས་པའི་གནས་ཚུལ་བརྡ་ཁྱབ་བཏང་ཞིང་། བརྡ་ཁྱབ་ནང་མངོན་གསལ། 2022ལོའི་ལོ་སྟོད་དུ་རྒྱལ་ཡོངས་སྒྲིག་བཤེར་ལྟ་ཞིབ་ཁོངས་གཏོགས་ཀྱིས་སྒྲིག་བཤེར་ལྟ་ཞིབ་ལས་བྱེད་པར་གྱོད་ཐོ་ཁག་1200བཀོད་པ་དང་མི་1100ལྷག་ཙམ་ལ་ཆད་པ་ཕོག་ཡོད།
བརྡ་ཁྱབ་ནང་མངོན་གསལ། 2022ལོའི་ལོ་སྟོད་དུ། རྒྱལ་ཡོངས་སྒྲིག་བཤེར་ལྟ་ཞིབ་ཁོངས་གཏོགས་ཀྱིས་ཁྱོན་སྒྲིག་བཤེར་ལྟ་ཞིབ་ལས་བྱེད་པ་དང་འབྲེལ་བ་ཡོད་པའི་གནད་དོན་གྱི་ཁུངས་སྣེའམ་ཡང་ན་གསལ་ཞུ་ཐེངས་ཁྲི་1.14དང་ལེན་བྱས་པ་དང་། སྒྲིག་བཤེར་ལྟ་ཞིབ་ལས་བྱེད་པའི་གནད་དོན་དང་འབྲེལ་བ་ཡོད་པའི་ཁུངས་སྣེ་8300ལྷག་ཙམ་ཐག་གཅོད་བྱས་པ། སྒྲིག་བཤེར་ལྟ་ཞིབ་ལས་བྱེད་པར་གླེང་མོལ་དང་འཕྲིན་བསྐུར་འདྲི་རྩད་ཐེངས་3500ལྷག་ཙམ་བྱས་པ། སྒྲིག་བཤེར་ལྟ་ཞིབ་ལས་བྱེད་པར་གྱོད་ཐོ་ཁག་1200ཙམ་བཀོད་པ། མི་1100ལྷག་ཙམ་ལ་ཆད་པ་བཅད་པ། མི་54ཁྲིམས་འཛིན་ལས་ཁུངས་ལ་རྩིས་སྤྲད་ཡོད། དེའི་ནང་ཐིང་དང་ཅུས་རིམ་པའི་ལས་བྱེད་པ་34དང་རྫོང་དང་ཁྲུའུ་རིམ་པའི་ལས་བྱེད་པ་230ལྷག་ཙམ་ལ་ཆད་པ་བཅད་ཡོད་པ་རེད།
