2020ལོར་བོད་ལྗོངས་ཀྱི་འགོ་ཁྲིད་ལས་བྱེད་པ་མང་པོར་ཆད་པ་བཅད་པ།
སྤེལ་དུས 2021-03-01
ཡོང་ཁུངས། སེམས་ཀྱི་ཞིང་ཁམས་སྤྱི་སྟེགས།
རྩོམ་པ་པོ།
ཉེ་དུས། བོད་རང་སྐྱོང་ལྗོངས་སྒྲིག་ཨུད་ལྟ་ཨུད་ཀྱིས་ལྗོངས་ཡོངས་ཀྱི་སྒྲིག་བཤེར་ལྟ་བཤེར་ལས་ཁུངས་ནས་སྤྱི་ལོ་2020ལོའི་ལྟ་སྐུལ་ཞིབ་བཤེར་དང་། ཞིབ་བཤེར་ཞིབ་དཔྱད་བྱས་པའི་གནས་ཚུལ་བརྡ་ཁྱབ་བཏང་བ་རེད།
བརྡ་ཁྱབ་ནང་། སྤྱི་ལོ་2020ལོར་ལྗོངས་ཡོངས་ཀྱི་སྒྲིག་བཤེར་ལྟ་བཤེར་ལས་ཁུངས་ཀྱི་ཁྱོན་ཡིག་འབུལ་ཐེར་འདོན་4685དང་ལེན་བྱས་པ་དང་། གནད་དོན་གྱི་ཁུངས་སྣེ་4860ཐག་གཅོད་བྱས་ཤིང་། ངོ་འཕྲད་འདྲི་རྩད་732བྱས་ལ། གྱོད་དོན་ཐོ་འགོད་1415བྱས་ཤིང་། མི་1652ལ་ཏང་ཁྲིམས་དང་སྲིད་ཁྲིམས་ཀྱི་ཆད་པ་བཅད་པ་རེད། ཐིང་དང་ས་ཁུལ་རིམ་པའི་ལས་བྱེད་པ་24ལ་ཆད་པ་བཅད་པ་དང་། རྫོང་དང་ཁྲུའུ་རིམ་པའི་ལས་བྱེད་པ་178ལ་ཆད་པ་བཅད་ཅིང་། ཤང་དང་ཁོའོ་རིམ་པའི་ལས་བྱེད་པ་481ལ་ཆད་པ་བཅད་ལ། ལས་བྱེད་པ་དཀྱུས་མ་218ལ་ཆད་པ་བཅད་པ་རེད། གྲོང་གསེབ་དང་ཁེ་ལས་སོགས་དེ་མིན་གྱི་མི་སྣ་751ལ་ཆད་པ་བཅད་པ་རེད།
བརྡ་ཁྱབ་ནང་སྤྱི་ལོ་2020ལོར། ལྗོངས་ཡོངས་ཀྱི་སྒྲིག་བཤེར་ལྟ་བཤེར་ལས་ཁུངས་ཀྱིས་རྣམ་པ་ཁག་བཞིའི་སྐྱོན་བརྗོད་སློབ་གསོའི་བྱ་ཐབས་སྤྱད་དེ་མི་ཐེངས་6062ལ་རོགས་རམ་དང་ཐག་གཅོད་བྱས་པ་རེད། དེའི་ཁྲོད་དུ་རྣམ་པ་ཁག་དང་པོས་མི་ཐེངས་4366ལ་སྐྱོན་བརྗོད་སློབ་གསོའི་རོགས་རམ་ཐུབ་པ་དེས་སྤྱིའི་མི་གྲངས་ཀྱི་72%ཟིན་ཡོད་པ་དང་། རྣམ་པ་ཁག་གཉིས་པས་མི་ཐེངས་1226ཐག་གཅོད་པ་བྱས་པ་དེས་20.2%ཟིན་ཞིང་། རྣམ་པ་ཁག་གསུམ་པས་མི་ཐེངས་296ཐག་གཅོད་བྱས་པ་དེས་4.9%ཟིན་ལ། རྣམ་པ་ཁག་བཞི་པས་མི་ཐེངས་174ཐག་གཅོད་བྱས་པ་དེས་2.9%ཟིན་ཡོད་པ་རེད།
རྩོམ་སྒྲིག་པ། བདེ་སྒྲོལ།