ཀྲུང་གོ་ཁོའོ་ཤིང་གིས་ཐོན་སྐྱེད་བྱས་པའི་ཏོག་གསར་རིམས་འགོག་སྨན་ཁབ་ཁག་གསུམ་པ་མོ་ཞི་ཁོར་འབྱོར་བ།
སྤེལ་དུས 2021-03-17
ཡོང་ཁུངས། མི་དམས་ཉིན་རེའི་ཚགས་པར།
རྩོམ་པ་པོ།
ཚེས་13ཉིན་གྱི་སྔ་དྲོ། ཀྲུང་གོ་ཁོའོ་ཤིང་གིས་ཐོན་སྐྱེད་བྱས་པའི་ཏོག་གསར་རིམས་འགོག་སྨན་ཁབ་ཁག་གསུམ་པ་མོ་ཞི་ཁོའི་རྒྱལ་ས་མོ་ཞི་ཁོ་གྲོང་གི་རྒྱལ་སྤྱིའི་གནམ་ཐང་ལ་འབྱོར་བ་རེད། མོ་ཞི་ཁོའི་ཕྱི་འབྲེལ་པུའི་པུའུ་ཀྲང་གཞོན་པ་མཱར་ཐེ·ཏེར་ཅཱ་ཏུའོ་སོགས་དཔོན་རིགས་གནམ་ཐང་དུ་རྩིས་ལེན་པར་སླེབས་ཡོད།
ཏེར་ཅཱ་ཏུའོ་ཡིས་ཤིས་ཚིག་ནང་ཁོའོ་ཤིང་གིས་ཐོན་སྐྱེད་བྱས་པའི་ཁག་དེའི་ཏོག་གསར་རིམས་འགོག་སྨན་ཁབ་མོ་ཞི་ཁོར་འབྱོར་བ་དེ་ནི་མོ་ཀྲུང་རྒྱལ་ཁབ་གཉིས་དབར་མཉམ་ལས་དམ་ཟབ་བྱས་པའི་གྲུབ་འབྲས་གལ་ཆེན་ཞིག་རེད། རྒྱལ་ཁབ་གཉིས་པོས་རིམས་འགོག་སྨན་ཁབ་ཀྱི་མཉམ་ལས་ཁྲོད་མཛའ་གྲོགས་དང་མཉམ་ལས་ཀྱི་འབྲེལ་བ་མུ་མཐུད་ཟབ་ཏུ་གཏོང་རྒྱུ་ཡིན་ལ་ཀྲུང་གོ་ཕྱོགས་ཀྱིས་རིམས་འགོག་མཉམ་ལས་ཁྲོད་མཐུན་སྒྲིལ་གྱི་བྱ་སྤྱོད་སྤེལ་བ་མོ་ཞི་ཁོ་ཕྱོགས་ཀྱིས་བརྗེད་མི་སྲིད་ཅེས་འཁོད་ཡོད་པ་རེད།
ཁོའོ་ཤིང་གིས་ཐོན་སྐྱེད་བྱས་པའི་ཏོག་གསར་རིམས་འགོག་སྨན་ཁབ་ཁག་དང་པོ་དེ་ཟླ་2ཚེས་20ཉིན་མོ་ཞི་ཁོ་གྲོང་དུ་འབྱོར་རྗེས་མོ་ཞི་ཁོ་ཀྲོའུ་ཨེ་གཱ་ཐེ་ཕེ་ཁེ་གྲོང་ཁྱེར་དུ་རྒྱག་འགོ་ཚུགས་ཡོད། ཁོའོ་ཤིང་གིས་ཐོན་སྐྱེད་བྱས་པའི་ཏོག་གསར་རིམས་འགོག་སྨན་ཁབ་ཁག་གཉིས་པ་ཟླ་དེའི་ཚེས་27ཉིན་མོ་ཞི་ཁོར་འབྱོར་བ་རེད།
རྩོམ་སྒྲིག་པ། སངས་སྐྱབས།