ཀྲུང་གོས་ལེ་པ་ནོན་ལ་རོགས་སྐྱོར་བྱས་པའི་ཏོག་གསར་རིམས་འགོག་སྨན་ཁབ་པེ་རུ་ཐེར་འབྱོར་བ།
སྤེལ་དུས 2021-04-09
ཡོང་ཁུངས། ཤིན་ཧྭ་གསར་འགྱུར་ཁང་།
རྩོམ་པ་པོ།
འདི་ནི་ཟླ་4ཚེས་6ཉིན་པེ་རུ་ཐེའི་ལཱ་ཧྥེ་ཁེ·ཧ་ལི་ལི་རྒྱལ་སྤྱིའི་གནམ་ཐང་དུ་ཀྲུང་གོ་དང་ལེ་པ་ནོན་རྒྱལ་ཁབ་གཉིས་ཀྱི་མི་སྣས་ཀྲུང་གོས་རོགས་སྐྱོར་བྱས་པའི་རིམས་འགོག་སྨན་ཁབ་བླུགས་པའི་དོས་སྒམ་གྱི་མདུན་དུ་མཉམ་པར་རྒྱག་བཞིན་པ།
ཀྲུང་གོས་ལེ་པ་ནོན་སྲིད་གཞུང་དང་དམག་དཔུང་ལ་རོགས་སྐྱོར་བྱས་པའི་ཏོག་གསར་རིམས་འགོག་སྨན་ཁབ་ཁག་གཉིས་པ་ཚེས་6ཉིན་པེ་རུ་ཐེའི་ལཱ་ཧྥེ་ཁེ·ཧ་ལི་ལི་རྒྱལ་སྤྱིའི་གནམ་ཐང་དུ་འབྱོར་བ་རེད།
ལེ་པ་ནོན་དུ་བཅའ་སྡོད་ཀྲུང་གོའི་གཞུང་ཚབ་ཆེ་མོ་བ་ཝང་ཁེ་ཅན་དང་ལེ་པ་ནོན་གྱི་གནས་སྐབས་སྲིད་གཞུང་གི་འཕྲོད་བསྟེན་པུའུ་ཀྲང་ཧ་མཱ་ཏེ·ཧ་སང་སོགས་གནམ་ཐང་དུ་རིམས་འགོག་སྨན་ཁབ་རྩིས་སྤྲོད་རྩིས་ལེན་གྱི་མཛད་སྒོར་ཞུགས་པ་རེད།
ཧ་སང་གིས་ཏོག་གསར་རིམས་ནད་ཐོན་ཚུན་དང་པེ་རུ་ཐེ་གྲུ་ཁར་འབར་གས་ཀྱི་དོན་རྐྱེན་ཐོན་རྗེས་ཀྲུང་གོ་ཕྱོགས་ཀྱིས་ལེ་པ་ནོན་ཕྱོགས་ལ་རོགས་སྐྱོར་བྱས་པར་ཐུགས་རྗེ་ཆེ་ཞུས་པ་མ་ཟད། ཀྲུང་གོས་ལེ་པ་ནོན་ཚུད་པའི་འཕེལ་རྒྱས་འགྲོ་བཞིན་པའི་རྒྱལ་ཁབ་ལ་རིམས་འགོག་སྨན་ཁབ་རོགས་སྐྱོར་བྱས་པར་བསྔགས་བརྗོད་ཆེན་པོ་བྱས་ཤིང་། ཁོང་གིས་ཀྲུང་གོས་རིམས་འགོག་སྨན་ཁབ་རོགས་སྐྱོར་བྱས་པ་དེ་ལས་ཀྲུང་གོ་སྲིད་གཞུང་དང་ཀྲུང་གོ་མི་དམངས་ཀྱི་མི་ཆོས་རིང་ལུགས་ཀྱི་སྙིང་སྟོབས་བརྒྱུད་སྤྲོད་བྱས་པ་མངོན་གྱི་ཡོད། རིམས་འགོག་སྨན་ཁབ་ཀྱིས་རིམས་ནད་འགོ་ཉེན་ཆེ་བའི་མི་ཚོགས་ལ་སྲུང་སྐྱོབ་ཐུབ་པ་མ་ཟད། ལེ་པ་ནོན་གྱི་དཔལ་འབྱོར་སླར་གསོ་དང་སྤྱི་པའི་འཚོ་བ་རྒྱུན་གཏན་ལྟར་སླར་གསོ་ཡོང་རྒྱུར་རོགས་རམ་ཐུབ་རྒྱུ་རེད་ཅེས་བརྗོད།
ཝང་ཁེ་ཅན་གྱི་ཤིས་ཚིག་ནང་། ཏོག་གསར་རིམས་ནད་ཀྱི་མདུན་དུ་ཀྲུང་གོ་དང་ལེ་པ་ནོན་རྒྱལ་ཁབ་གཉིས་ཀྱི་མི་དམངས་ཀྱིས་ཕན་ཚུན་རྒྱབ་སྐྱོར་བྱས་ནས་མཉམ་དུ་རིམས་འགོག་བྱེད་དགོས་ཞེས་བརྗོད་ཡོད་པ་རེད།
རྩོམ་སྒྲིག་པ། བདེ་སྒྲོལ།