ཧུའུ་པའེ་ཡིས་གོ་ལ་ཧྲིལ་བོར་འོས་སྦྱོར་བྱེད་པའི་བྱ་འགུལ་ཟླ4པའི་ཚེས12ཉིན་སྤེལ་རྒྱུ་ཡིན་པ།
སྤེལ་དུས 2021-04-09
ཡོང་ཁུངས། ཞིན་ཧྭ་དྲ་བ།
རྩོམ་པ་པོ།
ཕྱི་འབྲེལ་པུའུ་ཡི་འགྲིན་ཚབ་པ་ཀྲའོ་ལི་ཅན་གྱིས་ཟླ4པའི་ཚེས7ཉིན་བཤད་རྒྱུར། ཕྱི་འབྲེལ་པུའུ་དང་ཧུའུ་པའེ་ཞིང་ཆེན་མི་དམངས་སྲིད་གཞུང་གཉིས་ཀྱིས་ཟླ4པའི་ཚེས12ཉིན་གྱི་ཕྱི་དྲོར་ཕྱི་འབྲེལ་པུའུ་ཡི་ཐོག་ཁང་ལྷོ་མའི་ཚོམས་ཁང་དུ་དྲ་སྟེང་དང་ཡུལ་དངོས་ཟུང་འབྲེལ་གྱི་ལམ་ནས“དཔའ་སྤོབས་ལྡན་པའི་ཧུའུ་པའེ:དཀའ་སྡུག་ཁྲོད་གསོན་ཤུགས་རྒྱས་ཤིང་མཚར་སྡུག་གི་མ་འོངས་བསྐྲུན”ཞེས་པ་བརྗོད་དོན་གཙོ་བོ་ཡིན་པའི་གོ་ལ་ཧྲིལ་བོར་འོས་སྦྱོར་བྱེད་པའི་དམིགས་བསལ་བྱ་འགུལ་སྤེལ་རྩིས་ཡོད། ཀྲའོ་ལི་ཅན་གྱིས་བཤད་རྒྱུར། འདི་ནི་ཕྱི་འབྲེལ་པུའུ་ཡིས་ཏོག་གསར་གློ་ཚད་རིམས་ནད་ཀྱི་རྗེས་སུ་ཞིང་ཆེན་དང་ལྗོངས། གྲོང་ཁྱེར་རིམ་པས་གོ་ལ་ཧྲིལ་བོར་འོས་སྦྱོར་བྱེད་པའི་བྱ་འགུལ་སྤེལ་བ་ཐེངས་དང་པོ་ཡིན། “ཧུའུ་པེ་དང་ཝུའུ་ཧན་གྱིས་རིམས་ནད་འགོག་བཅོས་ཐད་བླངས་བའི་གྲུབ་འབྲས་ལས་གཞན། ང་ཚོས་ད་དུང་རིམས་ནད་འགོག་བཅོས་ལ་རྒྱལ་ཁ་ཐོབ་རྗེས་ཀྱི་ཧུའུ་པའེ་དང་ཝུའུ་ཧན་གྱི་དཔལ་འབྱོར་སྤྱི་ཚོགས་ལ་ཁྱོན་ཡོངས་ནས་འཕེལ་རྒྱས་ཀྱི་རྣམ་པ་གསར་བ་མངོན་པ་དང་། ཧུའུ་པའེ་ཞིང་ཆེན་གྱིས་འཕེལ་རྒྱས་ཀྱི་འདུ་ཤེས་གསར་བ་རྒྱུན་འཁྱོངས་དང་སྤུས་ཚད་མཐོ་བའི་འཕེལ་རྒྱལ་གྱི་མདུན་ལྗོངས་གསར་བར་སྐུལ་འདེད། ཕྱི་ཕྱོགས་ལ་སྒོ་འབྱེད་པའི་བྱེད་ཕྱོགས་གསར་བ་འོས་སྦྱོར་བཅས་བྱས་ནས་རྒྱལ་ཁབ་སོ་སོས་ཧུའུ་པའེ་དང་ལྷན་དུ་མཉམ་ལས་བརྗེ་རེས་ཀྱི་འབྲེལ་ཟམ་གསར་བ་འཛུགས་པར་ཤུགས་སྣོན་བརྒྱག་རྒྱུ་རེད” ། །
རྩོམ་སྒྲིག་པ། བདེ་སྒྲོལ།