དགུན་དུས་བོད་ལྗོངས་སུ་གནས་སྐོར་དུ་ཡོང་མཁན་རིམ་བཞིན་ཇེ་མང་དུ་གྱུར། གྲོང་ཚོར་དགུན་ཁའི་གུང་གསེང་གི་གསབ་སྦྱོང་འཛིན་གྲྭ་གཉེར་བ། མཚོ་སྔོན་གྱིས་ཆུ་བོ་དང་མཚོའི“གང་བྱུང་བཞིའི” གནད་དོན་756དག་ཐེར་བྱས་པ། བདེན་འཚོལ་དུས་དེབ་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་ལོ་རྒྱུས་དངོས་གཙོ་རིང་ལུགས་རྒྱུན་འཁྱོངས་ཀྱིས་དེང་རབས་ཀྲུང་གོའི་མར་ཁེ་སི་རིང་ལུགས་འཕེལ་རྒྱས་ཀྱི་མཐོ་ཚད་གསར་པ་རྒྱུན་ཆད་མེད་པར་གཏོད་དགོས་ཞེས་པ་སྤེལ་བ། བོད་རང་སྐྱོང་ལྗོངས་སྲིད་གྲོས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པ་གཟབ་རྒྱས་ངང་འགོ་ཚུགས་པ། མང་ཚོགས་ཀྱི“མགྲིན་ཚབ་པ”ཡག་པོ་ཞིག་བྱེད་ཀྱི་ཡིན། “པེ་ཅིང་དུ་འཛོམས་པ”ཞེས་པའི་སྐབས་དང་པོའི་རྒྱལ་སྤྱིའི་ཐང་གའི་སྒྱུ་རྩལ་འགྲེམས་སྟོན་དང་འཛམ་གླིང་ཐང་གའི་སྒྱུ་རྩལ་ཚོགས་ཆེན་པེ་ཅིང་དུ་གཟབ་རྒྱས་ངང་སྤེལ་བ། 2019ལོའི་རྒྱལ་ཡོངས་ཕུལ་བྱུང་དགེ་རྒན་གྱི་གཟེངས་རྟགས་ཐོབ་མཁན་དགེ་རྒན་ལྷ་རྩེ་རྒྱལ། “ཕྱིར་སྐྱོད་དཀའ་བའི”དཀའ་གནད་བསལ་བས་མང་ཚོགས་ལ་སྟབས་བདེ་བྱུང་བ། མང་ཚོགས་ཚོའི་བདེ་ཐང་གི་སྲུང་སྐྱོང་པ།
ཀྲུང་གོའི་བོད་ལྗོངས་དྲ་བ། > གསར་འགྱུར། > བོད་འབྲེལ་ཁུལ་རྫོང་གསར་འགྱུར།

རིག་གནས་ཡུལ་སྐོར་ཐོན་ལས་མྱུར་དུ་གྲངས་ཀ་ཅན་དུ་བསྒྱུར་བ།

སྤེལ་དུས 2021-03-26 ཡོང་ཁུངས། མཚོ་སྔོན་བོད་ཡིག་གསར་འགྱུར། རྩོམ་པ་པོ།
           ཁྱད་ལྡན་ཟས་མཆོག་བཅས་ཀྱི་གནས་ཚུལ་དེ་མ་ཐག་ཏུ་རྒྱུས་ལོན་བྱེད་ཐུབ། ལྗོངས་ཁུལ་དུ་སོང་སྟེ་ལག་ཁྱེར་ཁ་པར་སྟེང་དུ་བལྟས་ན་ཟ་ཁང་དང་རླངས་འཁོར་འཇོག་ས་སོགས་གང་ན་ཡོད་པ་སླ་མོར་ཤེས་ཐུབ། ཉེ་བའི་ལོ་འགའི་རིང་ལ། རང་ཞིང་གི་རིག་ནུས་ཡུལ་སྐོར་གྱི་ཞབས་ཞུའི་མ་ལག་རྒྱུན་ཆད་མེད་པར་འཐུས་ཚང་དུ་བཏང་བ་དང་བསྟུན་ནས། འགྲོ་ཟེར་ན་སོང་ཆོག་པའི་ཡུལ་སྐོར་དེ་སྟབས་བདེར་གྱུར་ཡོད།
           གསར་འགོད་པས་ཞིང་ཆེན་རིག་གནས་དང་ཡུལ་སྐོར་ཐིང་ནས་རྒྱུས་ལོན་བྱུང་བ་ལྟར་ན། “སྦྲེལ་དྲ+རིག་གནས་ཡུལ་སྐོར”ལ་སྐུལ་འདེད་གཏིང་ཟབ་བྱས་པ་དང་བསྟུན་ནས། རང་ཞིང་གིས་རིག་གནས་ཁང་དང་ཡུལ་སྐོར་ལྗོངས་ཁུལ། སྐར་རིམ་གསོལ་ཁང་སོགས་ཀྱི་རིག་གནས་ཡུལ་སྐོར་ཐོན་ཁུངས་ཧྲག་སྡེབ་བྱས་པ་དང་། ཡུལ་སྐོར་གྱི་གཞི་གྲངས་ཆེན་མོ་དང་ཐོན་ལས་འཁོར་སྐྱོད་ཀྱི་ལྟ་ཞིབ་ཚད་ལེན། རིག་གནས་ཡུལ་སྐོར་ལས་རིགས་ཀྱི་དོ་དམ། ལྗོངས་ཁུལ་གྱི་ཡུལ་སྐོར་པ་འཁོར་རྒྱུག་ལྟ་ཞིབ་ཚད་ལེན་སོགས་ཀྱི་དབྱེ་ཞིབ་མ་ལག་བཙུགས་པས། རིག་གནས་ཡུལ་སྐོར་ཐོན་ཁུངས་ཀྱི་སྡོམ་རྩིས་དང་རིག་གནས་ཡུལ་སྐོར་ཐོན་ལས་ཀྱི་དབུལ་སྐྱོར། ཡུལ་སྐོར་ལྗོངས་ཁུལ་གྱི་བེད་སྤྱོད། སྒེར་བསྐོར་ཡུལ་སྐོར་གྱི་ལམ་ཐིག་སོགས་གཞི་གྲངས་བྱེད་ནུས8ཆགས་པ་དང་། ཞིང་ཆེན་རིམ་པའི་གྲངས་ཀའི་རིག་གནས་ཡུལ་སྐོར་གཞི་གྲངས་ཆེན་མོའི་སྟེགས་བུ་ཆགས་ཡོད།
           ཡུལ་སྐོར་པ་མཚོ་སྔོན་དུ་ཡོང་ནས་ཡུལ་སྐོར་བྱས་ན། ལག་ཁྱེར་ཁ་པར་ཞིག་གིས་ལྗོངས་ཁུལ་དང་དེའི་མཐའ་འཁོར་གྱི་རླངས་འཁོར་འགྲོ་ཚུལ་དང་ལམ་ཐིག་མཚམས་སྦྱོར། ལྗོངས་ཁུལ་གྱི་སྒོ་གླའི་འཛིན་བྱང་སོགས་ཀྱི་གནས་ཚུལ་རྒྱུས་ལོན་བྱེད་ཐུབ། རིག་ནུས་ཡུལ་སྐོར་འཛུགས་སྐྲུན་བྱས་པས་ཡུལ་སྐོར་པ་ལྗོངས་ཁུལ་ཕྱི་ནང་ནས་དུས་ཐོག་ཏུ་དྲ་བར་འཇུག་ཐུབ་པ་མངོན་འགྱུར་བྱས། དེ་ལས་གཞན། ཞིང་ཆེན་ནང་ཁུལ་གྱི་བཤམས་སྟོན་ཁང་དང་དྲན་རྟེན་ཁང་། རང་བྱུང་ལྗོངས་ཁུལ་སོགས་སོ་སོའི་ཤེས་ནུས་བེད་སྤྱོད་ཀྱང་རྒྱ་ཇེ་ཆེ་ནས་ཇེ་ཆེ་རེད།
           མིག་སྔར། རང་ཞིང་གིས་ཁྱོན་ཡོངས་ནས་གྲངས་ཀའི་རིག་གནས་ཡུལ་སྐོར་གྱི་དྲ་རྒྱ་ཆེན་མོ་བཙུགས་ཏེ། རིག་གནས་ཡུལ་སྐོར་གྱི“སྤྲིན་སྣེ”དང་རིག་གནས་ཡུལ་སྐོར་གྱི་ཚོང་ཟོང་དྲ་སྦྲེལ། གྲངས་ཀའི་རིག་གནས་ཡུལ་སྐོར་གྱི་གཞི་གྲངས་ལྟེ་གནས་བཅས་འཛུགས་སྐྲུན་བྱས་པས། ཞིང་ཆེན་ཡོངས་ཀྱི་རིག་གནས་ཡུལ་སྐོར་ཐོན་ཁུངས་ཁྱོན་ཡོངས་ལ་ཁེབས་པ་མངོན་འགྱུར་བྱུང་། རང་ཞིང་གིས་ད་རུང《མཚོ་སྔོན་ཞིང་ཆེན་གྱི་སྤྱི་པའི་གྲངས་ཀའི་རིག་གནས་འཛུགས་སྐྲུན་གྱི་ལོ་ངོ་གསུམ་གྱི་འགུལ་སྐྱོད་ཇུས་གཞི》གཏན་འབེབས་བྱས་པ་བརྒྱུད་ནས། ཞིང་ཆེན་ཡོངས་ཀྱི་སྦྲེལ་རེས་བརྗེ་རེས་དང་མཉམ་སྐྲུན་སྤྱོད་རེས་ཀྱི་སྤྱི་པའི་གྲངས་ཀའི་རིག་གནས་ཞབས་ཞུ་དྲ་བའི་མ་ལག་བཙུགས་ཤིང་། དྲ་ཐོག་སྤྲིན་སྣེ་ཐད་གཏོང་གི་བྱེད་སྟངས་བརྒྱུད་ནས། ཧན་རྒྱལ་ཁབ་སོགས་ཀྱི་ས་ཆ་རུ་རིག་གནས་ཡུལ་སྐོར་ཐོན་ཁུངས་མཚམས་སྦྱོར་བྱས་པ་དང་རིག་གནས་བརྗེ་སྤེལ་བྱ་འགུལ་སྤེལ་ཏེ། རིག་གནས་དང་ཡུལ་སྐོར་གཏིང་ཟབ་ཏུ་འདྲེས་པར་མཉམ་དུ་སྐུལ་འདེད་བྱས། །
རྩོམ་སྒྲིག་པ། བདེ་སྒྲོལ།