མཚོ་སྔོན་མཛེས་རྩལ་མཐུན་ཚོཊ་ཀྱི་ཀྲུའུ་ཞི་ཡིས་རི་མོ་རྐུ་བཤུས་བྱས།
སྤེལ་དུས 2021-03-31
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ།
མཚོ་སྔོན་མཛེས་རྩལ་མཐུན་ཚོགས་ཀྱི་ཀྲུའུ་ཞི་ཝང་ཞའོ་ལི་ལས་མཚམས་བཞག་ནས་ཞིབ་བཤེར་བྱས། དེ་སྔོན“རྐུ་བཤུས་དོན་རྐྱེན”བྱུང་ནས་དགོངས་དག་ཞུ་ཡིག་སྤེལ།
ཟླ3པའི་ཚེས30ཉིན་གསར་འགོད་པས་མཚོ་སྔོན་ཞིང་ཆེན་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་ནས་རྒྱུས་ལོན་པ་ལྟར་ན། ཞིང་ཆེན་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་ཏང་ཙུའུ་ཡིས་ཞིབ་འཇུག་བྱས་པ་བརྒྱུད། མཚོ་སྔོན་ཞིང་ཆེན་མཛེས་རྩལ་པའི་མཐུན་ཚོགས་ཀྱི་ཀྲུའུ་ཞི་ཝང་ཞའོ་ལི་ལ“ལས་མཚམས་བཞག་ནས་ཞིབ་བཤེར་བྱ་རྒྱུ”ཐག་གཅོད་བྱས་པ་རེད། དེ་སྔོན་ཀྲུང་གོའི་མཛེས་རྩལ་པའི་མཐུན་ཚོགས་ཀྱི་ལས་འཛིན་པའམ་མཚོ་སྔོན་ཞིང་ཆེན་མཛེས་རྩལ་པའི་མཐུན་ཚོགས་ཀྱི་ཀྲུའུ་ཞི་ཝང་ཞའོ་ལི་ཡི་བརྩམས་ཆོས་རི་མོ་མང་པོ་ཞིག་སྒྱུ་རྩལ་མཁས་ཅན་མཱ་ཧན་སུང་གི་བརྩམས་ཆོས་ཁག་ཅིག་རྐུ་བཤུ་བྱས་པའི་དོགས་གཞི་ཡོད་ཅིང་། རི་མོ་རྣམས་ཞིབ་ཏུ་བསྡུར་ཚེ། རི་མོའི་བརྩམས་ཆོས་ཀྱི་རྣམ་པ་གཅིག་མཚུངས་ཀྱི་ཚད་གཞི་ནི“བསྐྱར་དཔར”ལྟ་བུ་རེད་ཅེས་དཔྱད་འཇོག་མང་པོ་བྱས་ཡོད་ཟེར།
མཚོ་སྔོན་ཞིང་ཆེན་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་ཀྱིས་ཁྱབ་བསྒྲགས་བྱས་པའི“བློ་མཐུན་ཝང་ཞའོ་ལི་ལས་མཚམས་བཞག་ནས་ཞིབ་བཤེར་བྱ་རྒྱུའི་སྐོར་གྱི་གཏན་འབེབས”ཡི་གེ།
མཱ་ཧན་སུང་གི་བརྩམས་ཆོས(གཡོན་ཕྱོགས)དང་ཝང་ཞའོ་ལི་ཡི་བརྩམས་ཆོས(གཡས་ཕྱོགས)བསྡུར་བ་བྱས་པ།
ཉེ་ཆར། རྩོམ་ཡིག་ཅིག་གི་ཁ་བྱང་ལ《མཛེས་མ་རི་མོ་བ་སྟེ་མཚོ་སྔོན་མཛེས་རྩལ་མཐུན་ཚོགས་ཀྱི་ཀྲུའུ་ཞིའམ་ཀྲུང་གོའི་མཛེས་རྩལ་མཐུན་ཚོགས་ཀྱི་འགན་འཛིན་པས་ལོ་ངོ་དུ་མར་བཤུ་འབྲི་བྱས་པའི་དོགས་གཞི་ཡོད་དམ》ཞེས་པའི་རྩོམ་ཡིག་ལ་དྲ་ཐོག་ནས་དོ་ཁུར་བྱེད་ཀྱིན་ཡོད། དྲ་ཐོག་ནས་བསྐུར་བའི་རྩོམ་ཡིག་ནང་མཚོ་སྔོན་ཞིང་ཆེན་མཛེས་རྩལ་པའི་མཐུན་ཚོགས་ཀྱི་ཀྲུའུ་ཞི་ཝང་ཞའོ་ལི་དང་སྒྱུ་རྩལ་མཁས་ཅན་མཱ་ཧན་སུང་གི་རི་མོ་མང་པོ་ཞིག་བསྡུར་བ་བྱས་པས། ཝང་ཞའོ་ལི་ཡིས་མཱ་ཧན་སུང་གི་རི་མོའི་བརྩམས་ཆོས་རྐུ་བཤུ་བྱས་པར་དོགས་པ་ཡོད་པ་དང་ཁོང་གཉིས་ཀྱི་རི་མོ་མང་པོ་ཞིག་མཛད་བྱང་དང་ཚོས་གཞི་ལས་གཞན་ཕལ་ཆེར་གཅིག་པ་གཅིག་མཚུངས་ཡིན་ཞིང་། མཚོ་སྔོན་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་ཀྱིས་དེའི་ཐད་འཕྲལ་མར་བརྟག་དཔྱད་བྱས་པ་རེད།
དེའི་ཐད་མཱ་ཧན་སུང་གིས་བཤད་རྒྱུར། ཝང་ཞའོ་ལི་ཡིས་རང་ཉིད་ཀྱི་རི་མོའི་བརྩམས་ཆོས“རྐུ་བཤུ”བྱས་པའི་དོགས་ཡོད་གནས་ཚུལ2016ལོ་ནས་ཤེས་ཡོད། སྐབས་དེ་དུས་སྐད་འཕྲིན་གྲོགས་ཚོམས་ནང་མཚང་འབྱིན་བྱས་མྱོང་ཡང་འབྲེལ་ཡོད་སྡེ་ཚན་ལ་ཐེར་འདོན་གོང་ཞུ་བྱས་མེད། དོན་དག་དེ་ལ་དོ་སྣང་བྱས་རྗེས་ཕ་རོལ་པོས་མི་མངགས་ནས་དགོངས་དག་ཞུས་པ་མ་ཟད། ཁོང་གི་ཁྱིམ་ལ་སོང་ནས་དགོངས་དག་ཞུ་འདོད་ཀྱང་དུས་ཚོད་ཀྱི་དབང་གིས་དང་ལེན་མ་བྱས།“ལོ་འདི་དག་ནང་ངས་ཀྱང་རང་ཉིད་ཀྱི་གསར་རྩོམ་ལག་རྩལ་ལ་འགྱུར་ལྡོག་གཏོང་བའི་དམིགས་ཡུལ་ནི་མི་གཞན་ལ་རྐུ་བཤུས་བྱེད་དུ་མི་འཇུག་པའི་ཆེད་དུ་ཡིན། དྲ་ཐོག་གི་རྩོམ་ཡིག་ངས་ཀྱང་མཐོང་བྱུང་། མོས་ཕབ་ལེན་བྱས་པའི་དོགས་ཡོད་རི་མོ་དེ་དག་ཚང་མ་ངས་སྔོན་ཆད་དེབ་ཐོག་ཏུ་པར་སྐྲུན་བྱས་པ་ཡིན་པས་དཔེ་ཆའི་སྟེང་གི་རི་མོ་ཇེ་ཆེར་བཏང་རྗེས་རྐུ་བཤུས་བྱས་པ་དང་འདྲ།”ཞེས་བཤད།