དགུན་དུས་བོད་ལྗོངས་སུ་གནས་སྐོར་དུ་ཡོང་མཁན་རིམ་བཞིན་ཇེ་མང་དུ་གྱུར། གྲོང་ཚོར་དགུན་ཁའི་གུང་གསེང་གི་གསབ་སྦྱོང་འཛིན་གྲྭ་གཉེར་བ། མཚོ་སྔོན་གྱིས་ཆུ་བོ་དང་མཚོའི“གང་བྱུང་བཞིའི” གནད་དོན་756དག་ཐེར་བྱས་པ། བདེན་འཚོལ་དུས་དེབ་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་ལོ་རྒྱུས་དངོས་གཙོ་རིང་ལུགས་རྒྱུན་འཁྱོངས་ཀྱིས་དེང་རབས་ཀྲུང་གོའི་མར་ཁེ་སི་རིང་ལུགས་འཕེལ་རྒྱས་ཀྱི་མཐོ་ཚད་གསར་པ་རྒྱུན་ཆད་མེད་པར་གཏོད་དགོས་ཞེས་པ་སྤེལ་བ། བོད་རང་སྐྱོང་ལྗོངས་སྲིད་གྲོས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པ་གཟབ་རྒྱས་ངང་འགོ་ཚུགས་པ། མང་ཚོགས་ཀྱི“མགྲིན་ཚབ་པ”ཡག་པོ་ཞིག་བྱེད་ཀྱི་ཡིན། “པེ་ཅིང་དུ་འཛོམས་པ”ཞེས་པའི་སྐབས་དང་པོའི་རྒྱལ་སྤྱིའི་ཐང་གའི་སྒྱུ་རྩལ་འགྲེམས་སྟོན་དང་འཛམ་གླིང་ཐང་གའི་སྒྱུ་རྩལ་ཚོགས་ཆེན་པེ་ཅིང་དུ་གཟབ་རྒྱས་ངང་སྤེལ་བ། 2019ལོའི་རྒྱལ་ཡོངས་ཕུལ་བྱུང་དགེ་རྒན་གྱི་གཟེངས་རྟགས་ཐོབ་མཁན་དགེ་རྒན་ལྷ་རྩེ་རྒྱལ། “ཕྱིར་སྐྱོད་དཀའ་བའི”དཀའ་གནད་བསལ་བས་མང་ཚོགས་ལ་སྟབས་བདེ་བྱུང་བ། མང་ཚོགས་ཚོའི་བདེ་ཐང་གི་སྲུང་སྐྱོང་པ།
ཀྲུང་གོའི་བོད་ལྗོངས་དྲ་བ། > གསར་འགྱུར། > བོད་འབྲེལ་ཁུལ་རྫོང་གསར་འགྱུར།

དེང་རབས་ཕྱུགས་ལས་ཀྱི་སྣེ་ཁྲིད་མཁན་ཀྱཱ་ཚང་མཉམ་ལས་ཁང་།

སྤེལ་དུས 2021-04-06 ཡོང་ཁུངས། མཚོ་སྔོན་བོད་སྐད་རླུང་འཕྲིན། རྩོམ་པ་པོ།
          མཚོ་ལྷོ་བོད་རིགས་རང་སྐྱོང་ཁུལ་ཀོས་ནན་རྫོང་ནི་ཞིང་ཕྱུགས་གཉིས་གཙོར་འཛིན་པའི་རྫོང་ཞིག་ཡིན་ལ་དེ་ལས་སུམ་མདོ་གྲོང་རྡལ་དང་ཐར་ཤུལ་ཡུལ་ཚོ་སོགས་ནི་ཕྱུགས་ལས་གཙོ་བོར་གཉེར་མཁན་གྱི་གྲས་སུ་གཏོགས། ཡིན་ནའང་ལོ་ངོ་མང་པོའི་རིང་ལ་སྲོལ་རྒྱུན་ལྟར་ཕྱུགས་འཚོ་བ་དེས་ས་གནས་མི་དམངས་མང་ཚོགས་ཀྱི་འཚོ་བར་འཕེལ་རྒྱས་དེ་འདྲ་ཆེན་པོ་འབྱུང་ཐུབ་ཀྱི་མེད་པའི་གནས་ཚུལ་དངོས་ལ་གཞིགས་ཏེ། ཏང་དང་རྒྱལ་ཁབ་ཀྱི་སྟོབས་ལྡན་མགོ་ཁྲིད་འོག ས་གནས་སྲིད་གཞུང་གི་འབྲེལ་ཡོད་ལས་ཁུངས་ཀྱིས་ཕྱུགས་ལས་ཕྱོགས་ཀྱི་ཕན་འབྲས་དང་ཡོང་སྒོ་ཇེ་མཐོར་གཏོང་བའི་ལམ་བུ་གསར་བ་འཚོལ་ཞིབ་བྱས་ཏེ། ཉིས་སྟོང་བཅུ་ལོར་ཚན་རིག་ལྟར་ཕྱུགས་འཚོ་བའི་ལས་གཞི་ཞིག་ཚོད་ལྟའི་ཚུལ་དུ་སུམ་མདོ་གྲོང་རྡལ་གྱི་རྒྱ་ཤིང་སྡེ་བ་ནས་ལག་བསྟར་བྱེད་མགོ་བརྩམས་པ་རེད། སྐབས་དེར་རྒྱ་ཤིང་སྡེ་བའི་ན་གཞོན་ཏང་ཡོན་རིན་ཆེན་ཐར་གྱི་སེམས་སུ་རང་ཉིད་ནི་ལོ་ངོ་མང་པོའི་རིང་ལ་རྩྭ་ཐང་ནས་ཕྱུགས་འཚོས་ནས་ཡོང་མཁན་ཞིག་ཡིན་ཡང་། ད་ལྟ་ཞིབ་ཏུ་བསམ་བློ་བཏང་ན་སྲོལ་རྒྱུན་གྱི་ཕྱུགས་ལས་གཉེར་སྟངས་དེས་རང་གི་ཁྱིམ་ཚང་དང་འཚོ་བའི་ཐད་ལ་འཕེལ་རྒྱས་དང་འགྱུར་ལྡོག་ཆེན་པོ་བྱུང་མེད་པ་གསལ་བོར་ཤེས། སྐབས་དེར་རིན་ཆེན་ཐར་གྱིས་ཀྲུང་གོ་གུང་ཁྲན་ཏང་གི་ཡང་དག་པའི་དམངས་ཕན་སྲིད་ཇུས་འདི་འདྲ་དོན་གཉེར་བྱས་ཏེ། རང་དང་འདྲ་བའི་སྡེ་མི་མང་པོ་ཞིག་གི་སྣེ་ཁྲིད་དེ་ཚན་རིག་གི་ཐབས་ལམ་ལ་བརྟེན་ནས་ཕྱུགས་འཚོ་སྐྱོང་བྱེད་པའི་ལམ་ལ་ཞུགས་རྒྱུའི་ཆོད་སེམས་བརྟན་པོ་བཞག ཡིན་ནའང་བྱ་བ་ཅི་ཞིག་ཡིན་ཡང་ཐོག་མར་མགོ་རྩོམ་པའི་སྐབས་སུ་དཀའ་སྡུག་མང་པོ་ཞིག་ལ་འཕྲད་སྲིད་པ་ནི་སྨྲ་མ་དགོས་མོད།ཁོས་ཏང་གི་སྲིད་ཇུས་བཟང་བོའི་རྒྱབ་རྟེན་ལ་ཡིད་ཆེས་ཆེན་པོ་བྱས་ཏེ།ཀྱཱ་ཚང་སྐྱེ་ཁམས་ཕྱུགས་ལས་ཆེད་ལས་མཉམ་ལས་ཁང་ཞེས་པ་དེ་ཐོག་མར་བཙུགས། སྐབས་དེར་སྡེ་མི་རྣམས་ཀྱིས་མཉམ་ལས་ཁང་ཞེས་པ་དེའི་གོ་དོན་གསལ་བོ་ཞིག་རྟོགས་ཐུབ་ཀྱི་མེད་པ་དང་།དེའི་ཁ་ཕྱོགས་ཀྱང་ག་འདྲ་ཞིག་ཡིན་པ་བློ་ངོར་ཤོང་ཐུབ་ཀྱི་མེད་སྟབས། རྒྱ་ཚང་སྡེ་བའི་ཁྱིམ་ཚང་མང་པོ་ཞིག་མཉམ་ལས་ཁང་དུ་ཞུགས་རྒྱུའི་འདོད་བློ་གཏན་ནས་མེད་པ་དང་།ལྷག་པར་དུ་ཁྱིམ་ཚང་གི་ཆ་རྐྱེན་ཅུང་བཟང་བའི་སྡེ་མི་རྣམས་དེ་བས་ཀྱང་མཉམ་ལས་ཁང་གི་བྱ་བར་སྤྲོ་བ་གཏན་ནས་མི་འདུག སྐབས་དེར་རིན་ཆེན་ཐར་གྱིས་རང་ཉིད་ནི་ཏང་ཡོན་ཞིག་ཡིན་པའི་འགན་འཁྲི་ཕྲག་ཏུ་ཁུར་ནས་སྡེ་མི་མང་པོ་ཞིག་ལ་གོ་བསྐོན་བློ་འགུག་བྱས་པ་བརྒྱུད། སྡེ་བའི་ནང་གི་འབྱོར་བ་ཅུང་ཞན་པའི་སྡེ་མི་སྐོར་ཞིག་མཉམ་ལས་ཁང་ཏུ་ཞུགས་རྒྱུར་ཡིད་འཐད་བྱུང་མོད།ཁོ་ཚོར་མཚོན་ན་མཉམ་ལས་ཁང་ལ་མ་རྐང་དུ་བཞག་ཆོག་པའི་རྒྱུ་ནོར་ཆེན་པོ་མེད་པའི་སྟབས་ཀྱིས་རང་རང་གི་ཁྱིམ་ཐོ་ཁྱེར་ཡོང་ནས་མཉམ་ལས་ཁང་དུ་སྤྲོད་པ་ལས་བྱ་ཐབས་གཞན་མ་རྙེད། སྐབས་དེར་སྡེ་བའི་ནང་དུ་ཀྱཱ་ཚང་མཉམ་ལས་ཁང་ལ་ཁྱིམ་ཐོ་མཉམ་ལས་ཁང་ཞེས་པའི་དམའ་འབེབ་ཀྱི་མིང་ཞིག་ཀྱང་གང་སར་གྲགས་བཞིན་ཡོད་པ་རེད། ཡིན་ནའང་གོང་རིམ་ཏང་སྲིད་སྡེ་ཁག་གི་ཡང་དག་པའི་མཛུབ་སྟོན་དང་རྒྱབ་སྐྱོར་འོག ཀྱཱ་ཚང་ཕྱུགས་ལས་ཆེད་ལས་མཉམ་ལས་ཁང་གི་ཁོངས་མི་རྣམས་ཀྱི་དཀའ་སྤྱད་འབད་བརྩོན་ལ་བརྟེན་ནས། རིང་བོ་མ་འགོར་བར་མཉམ་ལས་ཁང་དེ་ལ་མིག་མཐོང་ལག་ཟིན་གྱི་འཕེལ་རྒྱས་དང་འགྱུར་ལྡོག་ཆེན་པོ་བྱུང་བས་སྡེ་མི་མང་པོ་ཞིག་གི་སྔར་གྱི་ལྟ་སྟངས་དེ་ལའང་རིམ་གྱིས་འགྱུར་ལྡོག་བྱུང་མགོ་བརྩམས།ཉིས་སྟོང་བཅུ་གསུམ་ལོར་ཐོན་དུས། རིམ་བཞིན་ཁྱིམ་ཚང་ང་གཅིག་ཙམ་མཉམ་ལས་ཁང་དུ་ཞུགས་ནས་ཁོ་ཚོའི་ནོར་ལུག་དང་རྩྭ་ས། ཞིང་ས་སོགས་མཉམ་ལས་ཁང་ལ་མ་རྐང་དུ་བཞག་སྟེ།ཚན་རིག་ལྟར་ཕྱུགས་འཚོ་བའི་ལམ་དུ་ཞུགས། དེའི་སྐོར་ནས་མཉམ་ལས་ཁང་དེའི་མགོ་གཙོ་རིན་ཆེན་ཐར་གྱིས་འདི་ལྟར་ཁ་བརྡ་ཐུང་ངུ་ཞིག་བྱས་བྱུང་།
ཀྱཱ་ཚང་ཕྱུགས་ལས་ཆེད་ལས་མཉམ་ལས་ཁང་གི་ཕྱུག་འགྱུར་སྣེ་ཁྲིད་པ་རིན་ཆེན་ཐར།
          ཀྱཱ་ཚང་ཕྱུགས་ལས་ཆེད་ལས་མཉམ་ལས་ཁང་དེ་སྲོལ་རྒྱུན་གྱི་ཕྱུགས་འཚོ་སྟངས་ལས་རིང་དུ་བརྒལ་ཏེ་ཚན་རིག་ལྟར་ཕྱུགས་འཚོ་བའི་ལམ་དུ་བསྐྱོད་པ་དེས། ད་ལྟ་རྒྱ་ཤིང་སྡེ་བའི་མི་དམངས་མང་ཚོགས་ཀྱིས་སྲོལ་རྒྱུན་ལྟར་ཕྱུགས་འཚོ་སྟངས་དང་ཚན་རིག་དང་མཐུན་པའི་སྒོ་ནས་ཕྱུགས་འཚོ་བའི་བར་གྱི་ཧེ་བག་དང་ཁྱད་པར་གསལ་བོར་རྟོགས་ནས། རྩྭ་ཕྱུགས་དོ་མཉམ་གྱི་སྐྱེ་ཁམས་ཕྱུགས་ལས་སྐོར་གྱི་སྲིད་ཇུས་ལག་བསྟར་དོན་འཁྱོལ་བྱེད་པར་སྣེ་ཁྲིད་ཀྱི་ནུས་པ་ཆེན་པོ་ཐོན་ཡོད་པར་མ་ཟད། ཏང་དང་སྲིད་གཞུང་གི་དམངས་ཕན་སྲིད་ཇུས་ཀྱི་བླང་བྱའི་ཚད་གཞིར་སླེབས་ཏེ། གོང་རིམ་སྲིད་གཞུང་གི་རེ་བ་དོན་ཐོག་ཏུ་འཁྱོལ་ཡོད་པ་དང་། དེ་ལས་ཀྱང་དུས་ཡུན་ཐུང་ངུའི་ནང་མང་ཚོགས་རང་ཉིད་ཀྱི་དཔལ་འབྱོར་གྱི་ཡོང་སྒོའི་ཐད་སྔོན་ཆད་རྨི་ལམ་དུ་ཡང་འཁོར་མ་མྱོང་བའི་སྔར་མེད་ཀྱི་འཕོ་འགྱུར་ཆེན་པོ་བྱུང་ཡོད་པའི་སྐོར་ནས་རིན་ཆེན་ཐར་གྱིས་བཤད་རྒྱུར།
          ཕག་མོ་ཚེ་རིང་ནི་ཀྱཱ་ཚང་ཕྱུགས་ལས་ཆེད་ལས་མཉམ་ལས་ཁང་གི་ཁོངས་མི་ཞིག་ཡིན་ཞིང་། ང་ཚོ་གནས་དེར་ཐོན་དུས་ཁོས་མཉམ་ལས་ཁང་གི་མདུན་ཕྱོགས་སུ་ཀོས་ནན་རྫོང་ལ་མ་གཏོགས་ས་གནས་གཞན་དུ་མཐོང་བར་དཀོན་པའི་རྩྭ་ཐང་གི་མུ་ཏིག་ནག་པོར་གྲགས་པའི་ལུག་ནག་ཁྱུ་ཞིག་རྩྭ་རའི་ནང་ཕུད་རྗེས་འཕྲུལ་རྟ་ཞིག་ལ་ཞོན་ནས་ང་ཚོའི་གམ་དུ་སླེབས་བྱུང་། གསར་འགོད་པས་ཁོ་ལ་ཀྱཱ་ཚང་ཕྱུགས་ལས་ཆེད་ལས་མཉམ་ལས་ཁང་དུ་ཞུགས་པའི་ལོ་དེ་དག་རིང་གི་གནས་ཚུལ་སྐོར་འདྲི་དུས་ཁོས་འདི་ལྟར་བཤད་བྱུང་།
ཀྱཱ་ཚང་ཕྱུགས་ལས་ཆེད་ལས་མཉམ་ལས་ཁང་གི་ཁོངས་མི་ཕག་མོ་ཚེ་རིང་།
ཀྱཱ་ཚང་མཉམ་ལས་ཁང་གི་ནོར་གནག
ཀྱཱ་ཚང་མཉམ་ལས་ཁང་གི་ལུག་ནག
ཀྱཱ་ཚང་མཉམ་ལས་ཁང་གི་གཟན་རྩྭ།
ཀྱཱ་ཚང་མཉམ་ལས་ཁང་གི་གཟན་ཆས།
ཀྱཱ་ཚང་མཉམ་ལས་ཁང་གི་ཕྱུགས་ཁང་། 
ཀྱཱ་ཚང་མཉམ་ལས་ཁང་གི་ཡོང་སྒོ་བགོ་བཤའ་རྒྱག་པའི་རྣམ་པ། 
གསར་འགོད་པས་བཅར་འདྲི་བྱེད་ཀྱིན་པ།
རྩོམ་སྒྲིག་པ། རིག་གྲོལ།