ལྷ་ས་པེ་ཅིང་ཚོད་ལྟའི་སློབ་འབྲིང་གིས་བོད་སྐྱོར་དགེ་རྒན་སྒྲིག་འཛུགས་བྱས་ནས་ལྷུན་གྲུབ་ཞིང་རར་ལྟ་སྐོར་སློབ་སྦྱོང་བྱེད་པར་བསྐྱོད་པ།

             ཞིང་རའི་འཆད་འགྲེལ་པས་འཆད་འགྲེལ་བྱས་པ་བརྒྱུད་ནས། བོད་སྐྱོར་དགེ་རྒན་དང་ལྷ་ས་པེ་ཅིང་ཚོད་ལྟའི་སློབ་འབྲིང་གི་ཏང་ཡོན་ཡོངས་ཀྱིས་སྔ་རྗེས་སུ་ལྷུན་གྲུབ་ཞིང་རའི་རྟེན་གཞིའི་ཁུལ་རྙིང་པའི་གཞུང་དོན་ཁུལ་དང་ཞག་སྡོད་ཁུལ་སོགས་གསར་བརྗེའི་རྗེས་ཤུལ་ལ་ལྟ་སྐོར་བྱས་པ་རེད། ས་ཆ་རེར་སླེབས་རིམ་བཞིན་ཚང་མས་འཆད་འགྲེལ་ལ་ནན་ཏན་ངང་ཉན་པ་དང་། འགྲེམས་པང་ཚང་མར་ཞིབ་པར་བལྟས་ལ། ཞིང་རའི་གཞོན་ནུ་ཤེས་ཡོན་ཅན་དང་ས་གནས་དེ་གའི་མང་ཚོགས་ཀྱིས་ཕྱར་བ་གྲུ་འདེགས་དང་དཀའ་སྡུག་མཉམ་མྱོང་བྱེད་པའི་ཐོན་སྐྱེད་ངལ་རྩོལ་གྱི་རྣམ་པ་མཐོང་སྐབས། བོད་སྐྱོར་དགེ་རྒན་ཚོར་སེམས་འགུལ་ཆེན་པོ་ཐེབས་ནས་མི་རིགས་མཐུན་སྒྲིལ་ཁྱིམ་ཚང་གཅིག་ལྟར་བརྩེ་བའི་ནང་དོན་ལ་སྔར་བས་གོ་བ་གཏིང་ཟབ་ལེན་ཐུབ་ཡོད། ལྟ་སྐོར་མཇུག་འགྲིལ་རྗེས་སློབ་གྲྭའི་ཏང་ཡོན་ཡོངས་ཀྱིས་ལྷུན་གྲུབ་ཞིང་རའི་ཚོགས་ཁང་མདུན་དུ་ཏང་ཞུགས་དམ་བཅའ་བསྐྱར་འཇོག་གི་མཛད་སྒོ་འཚོགས་པ་རེད།