དགུན་དུས་བོད་ལྗོངས་སུ་གནས་སྐོར་དུ་ཡོང་མཁན་རིམ་བཞིན་ཇེ་མང་དུ་གྱུར། གྲོང་ཚོར་དགུན་ཁའི་གུང་གསེང་གི་གསབ་སྦྱོང་འཛིན་གྲྭ་གཉེར་བ། མཚོ་སྔོན་གྱིས་ཆུ་བོ་དང་མཚོའི“གང་བྱུང་བཞིའི” གནད་དོན་756དག་ཐེར་བྱས་པ། བདེན་འཚོལ་དུས་དེབ་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་ལོ་རྒྱུས་དངོས་གཙོ་རིང་ལུགས་རྒྱུན་འཁྱོངས་ཀྱིས་དེང་རབས་ཀྲུང་གོའི་མར་ཁེ་སི་རིང་ལུགས་འཕེལ་རྒྱས་ཀྱི་མཐོ་ཚད་གསར་པ་རྒྱུན་ཆད་མེད་པར་གཏོད་དགོས་ཞེས་པ་སྤེལ་བ། བོད་རང་སྐྱོང་ལྗོངས་སྲིད་གྲོས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པ་གཟབ་རྒྱས་ངང་འགོ་ཚུགས་པ། མང་ཚོགས་ཀྱི“མགྲིན་ཚབ་པ”ཡག་པོ་ཞིག་བྱེད་ཀྱི་ཡིན། “པེ་ཅིང་དུ་འཛོམས་པ”ཞེས་པའི་སྐབས་དང་པོའི་རྒྱལ་སྤྱིའི་ཐང་གའི་སྒྱུ་རྩལ་འགྲེམས་སྟོན་དང་འཛམ་གླིང་ཐང་གའི་སྒྱུ་རྩལ་ཚོགས་ཆེན་པེ་ཅིང་དུ་གཟབ་རྒྱས་ངང་སྤེལ་བ། 2019ལོའི་རྒྱལ་ཡོངས་ཕུལ་བྱུང་དགེ་རྒན་གྱི་གཟེངས་རྟགས་ཐོབ་མཁན་དགེ་རྒན་ལྷ་རྩེ་རྒྱལ། “ཕྱིར་སྐྱོད་དཀའ་བའི”དཀའ་གནད་བསལ་བས་མང་ཚོགས་ལ་སྟབས་བདེ་བྱུང་བ། མང་ཚོགས་ཚོའི་བདེ་ཐང་གི་སྲུང་སྐྱོང་པ།
ཀྲུང་གོའི་བོད་ལྗོངས་དྲ་བ། > བོད་སྐྱོར། > ཚ་ཤོས།

བོད་ལྗོངས་ཚོང་དོན་ཐིན་གྱིས་ཁེ་ལས་ལས་ཐོན་བསྐྱར་ཚུགས་བྱེད་པར་རོགས་སྐྱོར་བྱས།

སྤེལ་དུས 2020-05-29 ཡོང་ཁུངས། ཀྲུང་གོ་བོད་ཀྱི་དྲ་བ། རྩོམ་པ་པོ།
          ཉིན་འགའི་རིང་ལ། བོད་ལྗོངས་ཀྱི་ཁེ་ལས་རིགས་སོ་སོས་སྔ་གཞུག་ཏུ་ལས་ཐོན་བསྐྱར་ཚུགས་བྱས་ལ། བོད་ལྗོངས་ཚོང་དོན་ཐིན་གྱིས་རང་འགུལ་གྱིས་བྱ་བ་སྒྲུབ་ཏེ། བྱེད་ཐབས་སྣ་མང་སྤྱད་དེ་ཁེ་ལས་ཀྱིས་ལས་ཐོན་བསྐྱར་ཚུགས་བྱེད་པར་རོགས་སྐྱོར་བྱས། ཉེ་ལམ། གསར་འགོད་པས་བོད་ལྗོངས་ཚོང་དོན་ཐིན་ཉོ་ཚོང་སྐུལ་སྤེལ་མཐུན་ཚོགས་གཞུང་སྒྲུབ་ཁང་གི་ཀྲུའུ་རེན་གཞོན་པ་པ་སངས་སྒྲོལ་དཀར་གྱི་མདུན་ནས་རྒྱུས་ལོན་པ་ལྟར་ན། བོད་ལྗོངས་ཚོང་དོན་ཐིན་གྱི་འགོ་ཁྲིད་སོ་སོའི་སྣེ་ཁྲོད་འོག ཉོ་ཚོང་སྐུལ་སྤེལ་མཐུན་ཚོགས་གཞུང་སྒྲུབ་ཁང་གིས་ཁེ་ལས་སྐོར་ཞིག་ལ་བཅར་འདྲི་དང་རྟོག་ཞིབ་བྱས་ཏེ། ཁེ་ལས་ཀྱི་དཀའ་ཁག་དང་རེ་འདུན་ཤེས་རྟོགས་བྱུང་བ་དང་། དཀའ་ཁག་དང་རེ་འདུན་དེ་དག་ལ་དམིགས་ནས་བོད་ལྗོངས་ཚོང་དོན་ཐིན་གྱིས་བྱེད་ཐབས་རབ་དང་རིམ་པ་སྤྱད་པ་རེད།
          མིག་སྔར་བོད་ལྗོངས་ཚོང་དོན་ཐིན་གྱིས་ལྷ་ས་ཀྲིན་ཏ་ཙི་ཙའེ་རིག་གནས་འཕེལ་རྒྱས་ཚད་ཡོད་ཀུང་ཟི་དང་མཉམ་དུ་གློག་རྡུལ་ཚོང་དོན་ཐད་གཏོང་ཆེད་མཁས་པ་གྲགས་ཅན་ཅིན་པོ་རིན་གདན་དྲངས་ཏེ། བོད་ལྗོངས་གངས་ཅན་ཇ་ལས་མ་རྐང་ཚད་ཡོད་ཀུང་སི་སོགས་ཁེ་ལས24རྩ་འཛུགས་བྱས་ནས་དྲ་ཐོག་གི་ཐད་གཏོང་ཉོ་ཚོང་སྐོར་གྱི་གསོ་སྦྱོང་ཐེངས་དང་པོ་བསྡུས་ཤིང་། གསོ་སྦྱོང་གི་ནང་དོན་གཙོ་བོ་ནི་ཐད་གཏོང་ཉོ་ཚོང་གི་གནས་བབ་དང་ཚོང་ར་དང་ཐད་གཏོང་ཉོ་ཚོང་གི་ལག་ལེན་ཐབས་རྩལ་ཞེས་པ་ཡིན།
          དུས་མཉམ་དུ་ཁེ་ལས་ཀྱི་ལས་ཐོན་བསྐྱར་ཚུགས་ལ་རོགས་སྐྱོར་བྱ་ཆེད། བོད་ལྗོངས་ཚོང་དོན་ཐིན་གྱིས་ད་ལོའི་ཀྲུང་གོའི་ཕྱིར་གཏོང་ནང་འདྲེན་གྱི་ཚོང་ཟོག་ཉོ་ཚོང་ཐོག་ནུས་ཤུགས་བཏོན་ཏེ། ཁེ་ལས་རྩ་འཛུགས་བྱས་ནས་སྐབས127པའི་ཀྲུང་གོའི་ཕྱིར་གཏོང་ནང་འདྲེན་གྱི་ཚོང་ཟོག་ཉོ་ཚོང་ལ་ཞུགས་རྒྱུ་དང་། སྔོན་ཆད་ཀྱི་ཁེ་ལས30འགྲེམ་སྟོན་ལ་ཞུགས་པའི་རྨང་གཞིའི་སྟེང་ཁེ་ལས22གསར་སྣོན་བྱས་ཏེ། བསྡོམས་པས་ཁེ་ལས52ཀྲུང་གོའི་ཕྱིར་གཏོང་ནང་འདྲེན་གྱི་ཚོང་ཟོག་ཉོ་ཚོང་ཀྱི་འགྲེམ་སྟོན་བྱ་འགུལ་ཁྲོད་ཞུགས་རྩིས་ཡོད།
          དེ་དང་ཆབས་ཅིག་བོད་ལྗོངས་ཚོང་དོན་ཐིན་གྱིས་ལྷ་སའི་སྣེ་གསུམ་པའི་འགྲེམ་ཚོགས་དོ་དམ་ཚད་ཡོད་ཀུང་ཟི་དང་མཉམ་དུ། ཟླ6པའི་ཟླ་སྟོད་དུ་བོད་ལྗོངས་ཕུལ་བྱུང་རིག་གནས་འགྲེམ་སྟོན་ཉོ་ཚོང་ལྟེ་གནས་སུ་དྲ་ཐོག་གི་ཉོ་ཚོང་བྱ་འགུལ་སྤེལ་རྒྱུ་ཡིན་ཞིང་། དྲ་ཐོག་གི་ཚོང་དོན་སྟེགས་བུ་བརྒྱུད་དེ། བོད་ལྗོངས་ས་གནས་ཀྱི་དྲ་གྲགས་ཀྱིས་ཐད་གཏོང་ཚོང་ཟོག་བཙོང་བའི་ཐབས་ལམ་སྤྱད་དེ། བོད་ལྗོངས་ཀྱི་ཁྱད་ལྡན་ཐོན་རྫས་ཕྱིར་ཚོང་བྱེད་པར་སྐུལ་འདེད་གཏོང་རྒྱུ་རེད།  །