དགུན་དུས་བོད་ལྗོངས་སུ་གནས་སྐོར་དུ་ཡོང་མཁན་རིམ་བཞིན་ཇེ་མང་དུ་གྱུར། གྲོང་ཚོར་དགུན་ཁའི་གུང་གསེང་གི་གསབ་སྦྱོང་འཛིན་གྲྭ་གཉེར་བ། མཚོ་སྔོན་གྱིས་ཆུ་བོ་དང་མཚོའི“གང་བྱུང་བཞིའི” གནད་དོན་756དག་ཐེར་བྱས་པ། བདེན་འཚོལ་དུས་དེབ་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་ལོ་རྒྱུས་དངོས་གཙོ་རིང་ལུགས་རྒྱུན་འཁྱོངས་ཀྱིས་དེང་རབས་ཀྲུང་གོའི་མར་ཁེ་སི་རིང་ལུགས་འཕེལ་རྒྱས་ཀྱི་མཐོ་ཚད་གསར་པ་རྒྱུན་ཆད་མེད་པར་གཏོད་དགོས་ཞེས་པ་སྤེལ་བ། བོད་རང་སྐྱོང་ལྗོངས་སྲིད་གྲོས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པ་གཟབ་རྒྱས་ངང་འགོ་ཚུགས་པ། མང་ཚོགས་ཀྱི“མགྲིན་ཚབ་པ”ཡག་པོ་ཞིག་བྱེད་ཀྱི་ཡིན། “པེ་ཅིང་དུ་འཛོམས་པ”ཞེས་པའི་སྐབས་དང་པོའི་རྒྱལ་སྤྱིའི་ཐང་གའི་སྒྱུ་རྩལ་འགྲེམས་སྟོན་དང་འཛམ་གླིང་ཐང་གའི་སྒྱུ་རྩལ་ཚོགས་ཆེན་པེ་ཅིང་དུ་གཟབ་རྒྱས་ངང་སྤེལ་བ། 2019ལོའི་རྒྱལ་ཡོངས་ཕུལ་བྱུང་དགེ་རྒན་གྱི་གཟེངས་རྟགས་ཐོབ་མཁན་དགེ་རྒན་ལྷ་རྩེ་རྒྱལ། “ཕྱིར་སྐྱོད་དཀའ་བའི”དཀའ་གནད་བསལ་བས་མང་ཚོགས་ལ་སྟབས་བདེ་བྱུང་བ། མང་ཚོགས་ཚོའི་བདེ་ཐང་གི་སྲུང་སྐྱོང་པ།
ཀྲུང་གོའི་བོད་ལྗོངས་དྲ་བ། > བོད་སྐྱོར། > ཚ་ཤོས།

ནག་ཆུ་གྲོང་ཁྱེར་གྱིས་མཐོ་སློབ་མཐར་ཕྱིན་སློབ་མའི་ལས་ཞུགས་ལས་སྐྲུན་བྱ་བར་སྐུལ་འདེད་བཏང་།

སྤེལ་དུས 2021-01-14 ཡོང་ཁུངས། ཀྲུང་གོ་བོད་ཀྱི་དྲ་བ། རྩོམ་པ་པོ།
           2020ལོའི་རིང་ལ། ནག་ཆུ་གྲོང་ཁྱེར་གྱིས་རྩ་འཛུགས་ཀྱི་འགོ་ཁྲིད་ལ་ཤུགས་སྣོན་དང་། བྱ་བའི་བྱེད་ཐབས་དང་བྱ་བའི་འགན་འཁྲི་དང་དུ་བླངས་ནས། ནག་ཆུ་གྲོང་ཁྱེར་གྱི་མཐོ་སློབ་མཐར་ཕྱིན་སློབ་མའི་ལས་ཞུགས་ལས་སྐྲུན་བྱ་བར་སྐུལ་འདེད་བཏང་བར་ཕན་འབྲས་ངེས་ཅན་ཐོབ།
           རྒྱུས་ལོན་པ་ལྟར་ན། གཞུང་ཞབས་པའི་རྒྱུགས་ལེན་ལས་དོན་བདེ་བླག་ངང་སྤེལ་བར་ཁག་ཐེག་བྱ་ཆེད། ནག་ཆུ་གྲོང་ཁྱེར་གྱིས་མི་ཤུགས་ཐོན་ཁུངས་རྒྱུགས་ལེན་བྱ་བའི་མཉམ་འབྲེལ་གྲོས་ཚོགས་ལམ་ལུགས་བཙུགས་ཏེ། གྲོང་ཁྱེར་ཐད་གཏོགས་ལས་ཁུངས་ནས་མི400ལྷག་འཐེན་གཏོང་བྱས་པ་དང་འབྲེལ་རིམས་ནད་སྔོན་འགོག་ཚོད་འཛིན་དང་། གཞུང་ལམ་བདེ་འཇགས། ཁོར་ཡུག་བཅོས་སྐྱོང་། རྒྱུགས་ལེན་ལྟ་ཞིབ་བཅས་ཀྱི་བྱ་བ་ལེགས་པོར་སྒྲུབ་ཏེ། གཞུང་ཞབས་པའི་རྒྱུགས་ལེན་ལས་དོན་བདེ་བླག་ངང་སྤེལ་བར་ཁག་ཐེག་བྱས། 2020ལོར་ནག་ཆུ་གྲོང་ཁྱེར་གྱིས་བསྡོམས་པས་གཞུང་ཞབས་པའི་རྒྱུགས་ལེན་ས་ཚུགས6བཙུགས་ཡོད་ཅིང་། གཞུང་ཞབས་པའི་ལས་གནས་སྟེང་སློབ་མ392རྒྱུགས་ལ་ཞུགས་པ་དང་། ལས་དོན་ལས་ཁུངས་ཀྱི་ལས་གནས་སྟེང་མི3525རྒྱུགས་ལ་ཞུགས་ཡོད།
           2020ལོའི་རིང་ལ། ནག་ཆུ་གྲོང་ཁྱེར་གྱིས་སློབ་ཆེན་སློབ་མའི་ལས་ཞུགས་ལས་སྐྲུན་སྲིད་ཇུས་དང་གཅིག་གིས་གཅིག་ལ་ཁ་གཏད་པའི་རོགས་སྐྱོར་སྲིད་ཇུས་དངོས་འབེབས་བྱས་པ་བརྒྱུད། གྲོང་ཁྱེར་དབུལ་སྐྱོར་གློག་རྡུལ་ཚོང་དོན་ལྟེ་གནས་དང་། རྫོང་སོ་སོའི་གློག་རྡུལ་ཚོང་དོན་སྟེགས་བུ། དམངས་སྐྲུན་བར་སྟོང་བཅས་ལ་བརྟེན་ནས། སྔོན་ཆད་ཀྱི་མཐོ་སློབ་མཐར་ཕྱིན་སློབ་མ207ལས་ཞུགས་བྱེད་པར་རོགས་སྐྱོར་བྱས། ནག་ཆུ་གྲོང་ཁྱེར་གྱིས་ལས་གནས་འབྲེལ་མཐུད་ལས་དོན་ནན་ཏན་གྱིས་སྒྲུབ་ཏེ། མིག་སྔའི་བར་དུ། བསྡོམས་པས་བོད་སྐྱོར་ཞིང་ཆེན་དང་གྲོང་ཁྱེར་ལ་མཐུན་སྦྱོར་བྱས་ཏེ་མཐོ་སློབ་མཐར་ཕྱིན་སློབ་མར་ལས་གནས4563འདོན་སྤྲོད་བྱས་ལ། གྲོང་ཁྱེར་ནང་ཁུལ་གྱི་མཐོ་སློབ་མཐར་ཕྱིན་སློབ་མའི་ལས་གནས518འཚོལ་བསྡུ་བྱས། 2020ལོའི་ཟླ6པའི་ཟླ་དཀྱིལ་ནས་བཟུང་། བསྡོམས་པས་མཐོ་སློབ་མཐར་ཕྱིན་སློབ་མའི་ལས་ཞུགས་ལས་གནས1185ཁྱབ་བསྒྲགས་བྱས་ཤིང་། དེའི་ཁྲོད་ལྗོངས་ནང་ཁུལ་གྱི་ལས་གནས77ཡོད་པ་དང་། ལྗོངས་ཕྱི་རོལ་གྱི་ལས་གནས1108ཡོད་དེ། མཐོ་སློབ་མཐར་ཕྱིན་སློབ་མ65ཡིས་དྲ་ཐོག་གི་གདན་ཞུ་ལ་བརྟེན་ནས་ལས་ཞུགས་གྲོས་ཡིག་སྟེང་མིང་ཐོ་བཀོད།
           ནག་ཆུ་གྲོང་ཁྱེར་གྱིས་ལས་ཞུགས་སྟེགས་བུ་སྐྲུན་པར་འབད་བརྩོན་བྱས་ཏེ། མིག་སྔར་གྲོང་ཁྱེར་ཡོངས་ཀྱིས་དམངས་སྐྲུན་ཞབས་ཞུ་སྟེགས་བུ5སྐྲུན་པ་དང་། དེའི་ཁྲོད་མཐོ་སློབ་མཐར་ཕྱིན་སློབ་མ120ཡོད་ཅིང་། བསྡོམས་པས་མཐར་ཕྱིན་སློབ་མ180ལས་ཞུགས་བྱེད་པར་སྣེ་འཁྲིད་བྱས། ནག་ཆུ་གྲོང་ཁྱེར་གྱིས་མཐོ་སློབ་མཐར་ཕྱིན་སློབ་མའི་ལྟ་སྦྱོང་རྟེན་གཞིའི་མ་ལག་འཛུགས་སྐྲུན་འཐུས་ཚང་དུ་བཏང་ནས། ལས་ཞུགས་ལྟ་སྦྱོང་རྟེན་གཞི18གཏན་ཁེལ་བྱས་པ་དང་། ལས་ཞུགས་ལྟ་སྦྱོང་རྟེན་གཞི384འདོན་སྤྲོད་བྱས། མིག་སྔའི་བར་དུ། བསྡོམས་པས་ལས་ཞུགས་ལྟ་སྦྱོང་ཁ་གསབ་མ་དངུལ་སྒོར་ཁྲི20.3རྩིས་སྤྲོད་བྱས་ཏེ། མཐོ་སློབ་མཐར་ཕྱིན་སློབ་མ30ལས་ཞུགས་བྱེད་པར་རོགས་སྐྱོར་བྱས། །
རྩོམ་སྒྲིག་པ། བདེ་སྒྲོལ།