དགུན་དུས་བོད་ལྗོངས་སུ་གནས་སྐོར་དུ་ཡོང་མཁན་རིམ་བཞིན་ཇེ་མང་དུ་གྱུར། གྲོང་ཚོར་དགུན་ཁའི་གུང་གསེང་གི་གསབ་སྦྱོང་འཛིན་གྲྭ་གཉེར་བ། མཚོ་སྔོན་གྱིས་ཆུ་བོ་དང་མཚོའི“གང་བྱུང་བཞིའི” གནད་དོན་756དག་ཐེར་བྱས་པ། བདེན་འཚོལ་དུས་དེབ་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་ལོ་རྒྱུས་དངོས་གཙོ་རིང་ལུགས་རྒྱུན་འཁྱོངས་ཀྱིས་དེང་རབས་ཀྲུང་གོའི་མར་ཁེ་སི་རིང་ལུགས་འཕེལ་རྒྱས་ཀྱི་མཐོ་ཚད་གསར་པ་རྒྱུན་ཆད་མེད་པར་གཏོད་དགོས་ཞེས་པ་སྤེལ་བ། བོད་རང་སྐྱོང་ལྗོངས་སྲིད་གྲོས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པ་གཟབ་རྒྱས་ངང་འགོ་ཚུགས་པ། མང་ཚོགས་ཀྱི“མགྲིན་ཚབ་པ”ཡག་པོ་ཞིག་བྱེད་ཀྱི་ཡིན། “པེ་ཅིང་དུ་འཛོམས་པ”ཞེས་པའི་སྐབས་དང་པོའི་རྒྱལ་སྤྱིའི་ཐང་གའི་སྒྱུ་རྩལ་འགྲེམས་སྟོན་དང་འཛམ་གླིང་ཐང་གའི་སྒྱུ་རྩལ་ཚོགས་ཆེན་པེ་ཅིང་དུ་གཟབ་རྒྱས་ངང་སྤེལ་བ། 2019ལོའི་རྒྱལ་ཡོངས་ཕུལ་བྱུང་དགེ་རྒན་གྱི་གཟེངས་རྟགས་ཐོབ་མཁན་དགེ་རྒན་ལྷ་རྩེ་རྒྱལ། “ཕྱིར་སྐྱོད་དཀའ་བའི”དཀའ་གནད་བསལ་བས་མང་ཚོགས་ལ་སྟབས་བདེ་བྱུང་བ། མང་ཚོགས་ཚོའི་བདེ་ཐང་གི་སྲུང་སྐྱོང་པ།
ཀྲུང་གོའི་བོད་ལྗོངས་དྲ་བ། > དམངས་སྲོལ། > དུས་ཆེན།

ལྷ་སར་དཔྱིད་རྨོད་ཀྱི་རོལ་ཁ་ཕྱེ་བའི་མཛད་སྒོ་ཚ་ཚ་འུར་འུར་རེད།

སྤེལ་དུས 2020-03-17 ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས། རྩོམ་པ་པོ།
          ལྷ་ས་གྲོང་ཁྱེར་ཆུ་ཤུར་རྫོང་ཚལ་སྣེ་ཤང་གི་སྲོལ་རྒྱུན་དཔྱིད་རྨོད་གཉའ་སྦྲེལ་གྱི་མཛད་སྒོ་དེ་ཤེལ་རོང་གྲོང་ཚོའི་ཞིང་ས་ན་འཚོགས་པ་རེད།   
          ཤེལ་རོང་གྲོང་ཚོ་ནི་ཞིང་ལས་གཙོ་བོར་བྱེད་པའི་སྲིད་འཛིན་གྲོང་ཚོ་ཞིག་ཡིན་པ་དང་འཆར་གཞི་བྱས་ན་དཔྱིད་འདེབས་རྒྱ་ཁྱོན་མུའུ་3000ཟིན་རྒྱུ་རེད། བོད་ནས་ཨང་2000དང་། ཧེ་མ་ལ་ཡ་ཨང་22སོགས་ནས་ཀྱི་སོན་བཟང་འདེབས་ཀྱི་ཡོད། ལོ་ན་49ལ་སླེབས་པའི་གྲོང་མི་དངོས་གྲུབ་ཚེ་རིང་གིས། འཕྲུལ་ཆས་བཀོལ་སྤྱོད་བྱས་པ་ལས་འདེབས་འཛུགས་བྱེད་པའི་དུས་ཚོད་གཟའ་འཁོར་གཉིས་ཐུང་དུ་ཕྱིན་པ་མ་ཟད། ངལ་རྩོལ་ནུས་ཤུགས་ལ་བཅིངས་འགྲོལ་ཐོབ་པ་དང་དེའི་ཁར་སོན་བཟང་ཚང་མ་རྒྱལ་ཁབ་ཀྱིས་རིན་མེད་ངང་སྤྲད་པ་ཞིག་རེད། དེར་བརྟེན་ང་ཚོའི་འདེབས་འཛུགས་ལས་ཀར་སེམས་ཁྲལ་གང་ཡང་མིན་འདུག་ཅེས་བརྗོད་པ་རེད།   
          མཛད་སྒོ་འགོ་ཚུགས་སྐབས་གྲོང་ཚོའི་ནང་གི་བུ་མོ་ཚོས་འདྲུད་འཐེན་འཁོར་ལོས་རོལ་ཁ་ཕྱེ་བ་དང་བསྟུན་ནས་རེ་བའི་ཞིང་ས་ན་ལོ་ལེགས་ཀྱི་ས་བོན་ཐོག་མ་དེ་གཏོར་བ་རེད། གྲོང་མི་བློ་བཟང་ཆོས་སྒྲོན་གྱིས། ད་ཆ་རྨོ་འདེབས་དང་། ལུད་རྒྱག་པ། འདེབས་འཛུགས་བྱེད་པ། བརྔ་བསྡུ་བཅས་ཚང་མ་འཕྲུལ་ཆས་ཅན་དུ་གྱུར་ཡོད། འོན་ཀྱང་རྨོ་འདེབས་བྱེད་པའི་མཛད་སྒོའི་ཐོག་རྟེན་འབྲེལ་མཚོན་ཆེད་དུ་ཁོང་ཚོས་སྔར་བཞིན་མི་ཐབས་ལ་བརྟེན་ནས་འདེབས་འཛུགས་བྱེད་པའི་གོམས་གཤིས་རྒྱུན་འཛིན་བྱེད་ཀྱི་ཡོད་ཅེས་དང་ཁོང་གིས། ང་ཚོས་རྨོ་འདེབས་ཀྱི་མཛད་སྒོ་དེ་བཀྲ་ཤིས་པའི་འགོ་ཚུགས་ཤིག་ཏུ་བརྩི་ཡི་ཡོད། སྲོལ་རྒྱུན་གྱི་གོམས་སྲོལ་ལྟར་ཞིང་ཁའི་འགྲམ་དུ་བསང་གཏོང་བ་དང་། གྲོང་མི་ཚོས་ཕྱེ་མར་བཀྱག་པ། མཉམ་དུ་སྒོར་གཞས་འཁྲབ་པ་བཅས་བྱེད་ཀྱི་ཡོད། གཙོ་བོ་ནི་ལོ་ལེགས་ཡོང་རེ་བྱེད་ཀྱི་ཡོད་ལ་མཛེས་སྡུག་ལྡན་པའི་འཚོ་བར་རྟེན་འབྲེལ་ཞུ་གི་ཡོད་ཅེས་བཤད་པ་རེད།
          དཔྱིད་དཔལ་གྱི་མཛུམ་ཞལ་དང་འགྲོགས་ནས་ལྷ་ས་གྲོང་ཁྱེར་གྱི་ས་གནས་ཁག་གིས་དེ་ཉིན་ནས་བཟུང་སྔ་རྗེས་སུ་ས་ཞིང་འདེབས་འཛུགས་བྱེད་འགོ་ཚུགས་ཤིང་། ཤེས་རྟོགས་བྱུང་བར་གཞིགས་ན། འདི་ལོ་ལྷ་ས་གྲོང་ཁྱེར་དུ་དཔྱིད་འདེབས་རྒྱ་ཁྱོན་མུའུ་ལྔ་འབུམ་བདུན་ཁྲི་ཉིས་སྟོང་བདུན་བརྒྱ་ལྷག་བྱ་རྩིས་ཡོད་པའི་ནང་འབྲུ་རིགས་ལོ་ཏོག་འདེབས་ཁྱོན་མུའུ་བཞི་འབུམ་ལྷག་ཟིན་རྒྱུ་ཡིན་པ་རེད།    
གྲོང་ཁྱེར་ལྷ་སའི་རྫོང་ཁག་གཞན་དག་ཁག་ཅིག་གི་དཔྱིད་རྨོས་གཉའ་སྦྲེལ་གྱི་པར་རིས།