དགུན་དུས་བོད་ལྗོངས་སུ་གནས་སྐོར་དུ་ཡོང་མཁན་རིམ་བཞིན་ཇེ་མང་དུ་གྱུར། གྲོང་ཚོར་དགུན་ཁའི་གུང་གསེང་གི་གསབ་སྦྱོང་འཛིན་གྲྭ་གཉེར་བ། མཚོ་སྔོན་གྱིས་ཆུ་བོ་དང་མཚོའི“གང་བྱུང་བཞིའི” གནད་དོན་756དག་ཐེར་བྱས་པ། བདེན་འཚོལ་དུས་དེབ་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་ལོ་རྒྱུས་དངོས་གཙོ་རིང་ལུགས་རྒྱུན་འཁྱོངས་ཀྱིས་དེང་རབས་ཀྲུང་གོའི་མར་ཁེ་སི་རིང་ལུགས་འཕེལ་རྒྱས་ཀྱི་མཐོ་ཚད་གསར་པ་རྒྱུན་ཆད་མེད་པར་གཏོད་དགོས་ཞེས་པ་སྤེལ་བ། བོད་རང་སྐྱོང་ལྗོངས་སྲིད་གྲོས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པ་གཟབ་རྒྱས་ངང་འགོ་ཚུགས་པ། མང་ཚོགས་ཀྱི“མགྲིན་ཚབ་པ”ཡག་པོ་ཞིག་བྱེད་ཀྱི་ཡིན། “པེ་ཅིང་དུ་འཛོམས་པ”ཞེས་པའི་སྐབས་དང་པོའི་རྒྱལ་སྤྱིའི་ཐང་གའི་སྒྱུ་རྩལ་འགྲེམས་སྟོན་དང་འཛམ་གླིང་ཐང་གའི་སྒྱུ་རྩལ་ཚོགས་ཆེན་པེ་ཅིང་དུ་གཟབ་རྒྱས་ངང་སྤེལ་བ། 2019ལོའི་རྒྱལ་ཡོངས་ཕུལ་བྱུང་དགེ་རྒན་གྱི་གཟེངས་རྟགས་ཐོབ་མཁན་དགེ་རྒན་ལྷ་རྩེ་རྒྱལ། “ཕྱིར་སྐྱོད་དཀའ་བའི”དཀའ་གནད་བསལ་བས་མང་ཚོགས་ལ་སྟབས་བདེ་བྱུང་བ། མང་ཚོགས་ཚོའི་བདེ་ཐང་གི་སྲུང་སྐྱོང་པ།
ཀྲུང་གོའི་བོད་ལྗོངས་དྲ་བ། > དམངས་སྲོལ། > ཚ་ཤོས།

ཤོ་པ་ཚོས་ཤོའི་རིག་གནས་མཁྱེན་གྱི་ཡོད་དམ།

སྤེལ་དུས 2021-02-18 ཡོང་ཁུངས། བོད་ལྗོངས་ཉིན་རེའི་ཚགས་པར། རྩོམ་པ་པོ།

           ཤོ་ནི་བོད་དུ་དར་སྲོལ་ཆེ་བའི་རྩེད་མོའི་རིགས་ཤིག་ཡིན་པ་དང་དེའི་རྒྱག་སྟངས་སྟབས་བདེ་ལ་ཡུན་རིང་བའི་ཁྱད་ཆོས་ལྡན་པ་དང་། གཙོ་བོ་དུས་ཆེན་དང་གུང་སེང་ངམ་ཡང་ན་གཉེན་ཉེ་འདུ་འཛོམས་སྐབས་རྒྱག་མཁན་མང་པོ་ཡོད། རྩེད་མོ་དེ་ངོ་མཚར་ཆེ་ཞིང་ཕན་ཚུན་བློ་རིག་འགྲན་པའི་རྩེད་མོ་ཞིག་ཡིན་སྟབས། རང་རང་ལ་མཁོ་བའི་ཤོ་མིག་དང་མཐུན་པའི་ཤོ་བཤད་རྒྱག་སྲོལ་ཡོད།

           ཤོ་རྒྱག་སྐབས་ཤོ་གཉིས་དང་། ཤོ་གདན། བརྡབ་སེ། ཤོ་ཕོར། ཤོ་རྡེའུ་བཅས་དགོས་ཤིང་། དངོས་སུ་རྒྱག་སྐབས་མི་གཉིས་མཉམ་དུ་རྒྱག་པའི་ཉིས་ཤོ་དང་། མི་གསུམ་མཉམ་དུ་རྒྱག་པའི་གསུམ་ཤོ། མི་བཞི་ཕྱོགས་གཉིས་སུ་བགོས་ཏེ་མཉམ་དུ་རྒྱག་པའི་བཞི་ཤོ་བཅས་རྩེད་ལུགས་ཁག་གསུམ་ཡོད། སྲོལ་རྒྱུན་ལྟར་ན། ཤོ་མ་བརྒྱབ་གོང་རྟེན་འབྲེལ་མཚོན་བྱེད་དུ་འཛུགས་ཆང་ཞེས་ཤོ་རྒྱག་མཁན་ཡོད་ཚད་ཀྱིས་ཆང་ཞབས་བཏགས་གང་ངམ་གསུམ་སྒྲོན་ནམ་ཡང་ན་གསུམ་སྒྲོན་ཞབས་བཏགས་གང་རུང་རྒྱག་གི་ཡོད། དེ་ནས་སྔ་དྲོ་ཆེ་དང་དགོང་དྲོ་ཆུང་ཞེས་རྩེད་མོ་རྩེ་བའི་དུས་ཚོད་ཞོགས་པ་ཡིན་ཚེ། ལོ་ན་རྒན་པ་དང་ཕྱི་དྲོ་འཁེལ་ཚེ་ལོ་ན་གཞོན་པས་སྔོན་ལ་འགོ་འཛུགས་དགོས། དེ་མིན། ཤོ་མོ་ཤར་དང་བག་མ་ཀླུང་ཞེས་པ་ལྟར་ལག་ཁྱི་བརྡབ་སེ་ཤར་ནས་ནུབ་བར་གཡས་སྐོར་བརྒྱབ་ནས་གཏོང་དགོས། ཤོ་རྒྱག་སྐབས་ཤོ་པའི་ཕྱོགས་སོ་སོས་གཞན་གྱི་ལག་ཁྱི་གསོད་པ་དང་རང་གི་ལག་ཁྱི་དགུ་པོ་ཅི་ནུས་ཀྱིས་ཟླ་སྒྲིལ་བཏང་སྟེ། ཤོ་རྡེའུ་གཅིག་ཀྱང་མ་ལུས་པར་བགྲངས་ནས་འགྲོ་མགྱོགས་མིན་ལྟ་བའི་འགྲན་བསྡུར་ཞིག་ཡིན་ལ། རྡེའུ་རེ་རེ་གཏོང་བར་ཡང་གཞན་ཕམ་རང་རྒྱལ་གྱི་བསམ་བློའི་ཐབས་ཇུས་འདིང་དགོས། ལག་ཁྱི་དང་པོ་བཙུགས་པ་ནས་མཇུག་བར་མཐར་ཕྱིན་བྱུང་བར་ཤོ་ཐོན་པ་ཞེས་ཤོ་རྒྱལ་བར་བརྩི་ཡི་ཡོད། ཤོ་རྒྱག་སྐབས་ད་དུང་ཤོ་ཕོར་སྐོར་བའི་ལག་པའི་སྟངས་སྟབས་དང་བསྟུན་ནས་ཤོ་མིག་སོ་སོའི་ཐ་སྙད་ཀྱི་སྒྲ་དང་ཡོངས་སུ་མཚུངས་པའམ་ཡང་ན་ཟུར་ཙམ་འདྲ་བའི་འཚོ་བ་དངོས་ཀྱི་བྱ་དངོས་སྣ་ཚོགས་ཟུང་དུ་འབྲེལ་ཏེ་གསར་རྩོམ་བྱས་པའི་ཚིག་དུམ་གོ་བདེ་ལ་དོན་ཟབ་པ། ཚིག་སྙན་ལ་བརྗོད་བྱ་བདེ་བ། ཟུར་ཟ་དང་དགོད་བྲོའི་རྣམ་པས་ཕྱུག་པའི་ཤོ་བཤད་རྒྱག་པ་མ་ཟད། བོད་ཀྱི་ཡུལ་གྲུ་གང་དུ་ཕྱིན་ཡང་རྩེད་མོ་དེ་རྩེ་མཁན་ཕལ་ཆེ་བ་སྐྱེས་པ་རེད། 

           ཤོ་བཤད་ལ་ཤོ་མིག་གི་སྒོ་ནས་དབྱེ་ན་ཤོ་མིག་རྐྱང་པ་དང་འདྲེས་མའི་ཤོ་བཤད་དང་། དམིགས་ཡུལ་མི་འདྲ་བའི་ངོས་ནས་དབྱེ་ན་ཤོ་ཕོར་ལག་ཏུ་ཁྱེར་ནས་ཁ་མ་ཕྱེ་གོང་སྐྱོར་བའི་རེ་སྨོན་མཚོན་ཆེད་དང་། ཤོ་ཕོར་ཁ་ཕྱེ་སྐབས་རང་ལ་དགོས་པའི་ཤོ་བབས་ཡོད་པ་ཤེས་འཕྲལ་བརྗོད་པའི་སྤྲོ་སེམས་མཚོན་ཆེད། ལ་མ་ཐོན་སྔོན་ནས་ཤོ་སྐོར་དེ་རང་རྒྱལ་སོང་སྙམ་ནས་ངག་ཏུ་འདྲེན་པའི་སྤོབས་སེམས་མཚོན་ཆེད་བཅས་ཁག་གསུམ་དུ་ཕྱེ་ཡོད། གལ་སྲིད་ཤོ་བཤད་ངེས་ཅན་ཞིག་བློར་མེད་ཚེ་མི་སུ་འདྲ་ཞིག་ཡིན་རུང་ཤོ་གྲལ་དུ་ཚུད་དཀའ་བ་མ་ཟད། མཐར་ཚུད་ཀྱང་ལྐུགས་པས་ལྷ་མཐོང་བའི་དཔེ་བཞིན་མི་གཞན་གྱི་ཁ་ལ་བལྟས་ནས་སྡོད་རྒྱུ་ལས་རྩེད་འཇོའི་སྤྲོ་སྣང་ཡོང་ཐབས་བྲལ་ལོ།
རྩོམ་སྒྲིག་པ། སྣང་རྡོར།