འདས་མ་ཐག་པའི་དཔྱིད་གསར་དུས་ཆེན་དང་བོད་ཀྱི་ལོ་གསར་གྱི་ངལ་གསོ་ཉིན་བརྒྱད་རིང་། བོད་ལྗོངས་ཀྱིས་རྒྱལ་ཁབ་ཕྱི་ནང་གི་ཡུལ་སྐོར་བ་མི་ཐེངས་ཁྲི204.28ལ་སྣེ་ལེན་ཞུས་པ་དེ་དུས་མཚུངས་ལས300.39%འཕར་བ་དང་། ཡུལ་སྐོར་གྱི་སྤྱིའི་ཡོང་འབབ་སྒོར་དུང་ཕྱུར17.11ཟིན་པ་དེ་དུས་མཚུངས་ལས364.95%འཕར་བ་རེད། གསར་འགོད་པར་བོད་རང་སྐྱོང་ལྗོངས་རིག་གནས་ཡུལ་སྐོར་ཐིང་ནས་ཤེས་རྟོགས་བྱུང་བར། ད་ལོའི་དཔྱིད་གསར་དུས་ཆེན་གྱི་ངལ་གསོའི་རིང་བོད་ལྗོངས་ཀྱི་རིག་གནས་ཡུལ་སྐོར་ཁྲོམ་རའི་མཁོ་སྤྲོད་ཡག་པོ་བྱུང་ཡོད་པ་རེད།
ཡུལ་སྐོར་གྱི་གྲུབ་གཞིར་བལྟས་ཚེ། རྒྱལ་ནང་གི་ཡུལ་སྐོར་ཚོགས་པ166ཟིན་པ་དང་ཡུལ་སྐོར་བ་གཙོ་བོ་པེ་ཅིང་དང་། ཀྲེ་ཅང་། སི་ཁྲོན་བཅས་ནས་ཡིན་པ་དང་། རྒྱལ་ཕྱིའི་ཡུལ་སྐོར་ཚོགས་པ130ཟིན་པ་དང་། ཡུལ་སྐོར་བ་གཙོ་བོ་ལྗར་ཕན་དང་། ལྷོ་ཁོ་རེ་ཡ། མ་ལེ་ཞི་ཡ་བཅས་ནས་ཡིན་པ་རེད།
དེ་དང་ཆབས་ཅིག་དམངས་སྤྱོད་མཁའ་འགྲུལ་བོད་རང་སྐྱོང་ལྗོངས་དོ་དམ་ཅུས་ཀྱི་གྲངས་གཞི་ལས་མངོན་པར། སྤྱི་ཟླ2པའི་ཚེས10ནས་ཚེས17བར། བོད་ལྗོངས་ཁོངས་གཏོགས་ཀྱི་གནམ་ཐང་ཁག་གིས་གནམ་གྲུ་ལན་གྲངས1264དང་། ཡུལ་སྐོར་བ་མི་ཐེངས་ཁྲི14.0914 དངོས་ཟོག་ཏུན265.6བཅས་ལ་འགན་ལེན་བྱས་པ་དེ་སྤྱི་ལོ2023ལོའི་དུས་མཚུངས་དང་བསྡུར་ན་ཁག་སོ་སོ62% 91% 5%ཟིན་ནས་ལོ་རྒྱུས་ཀྱི་ཟིན་ཐོ་གསར་པ་བཏོད་ཡོད་པ་རེད།
རྩོམ་སྒྲིག་པ། མང་ག་མཚོ།
