ཟླ་2ཚེས་7ཉིན་གྱི་ཆུ་ཚོད་11ཙམ་ལ། ལྷོ་ཁ་གྲོང་ཁྱེར་གྲ་ནང་རྫོང་རྔ་སྒྲ་ཤང་སྤྱི་བདེ་མངགས་གཏོང་ཁང་གི་མི་དམངས་ཉེན་རྟོག་པས་རྒྱུན་གཏན་གྱི་སྐོར་གཡེང་བྱེད་དུས་ཕུན་ཆེ་གེ་མོ་དང་། ཐུབ་ཆེ་གེ་མོ། མིག་ཆེ་གེ་མོ། དཔལ་ཆེ་གེ་མོ་བཅས་མི་བཞི་པོས་ཁོངས་གཏོགས་ཁུལ་གྱི་ཚེ་ཆེ་གེ་མོའི་ཚོང་ཁང་ནང་མཱ་ཅང་རྒྱག་གི་ཡོད་པ་ཤེས་རྟོགས་ཐུབ་སྟེ། ད་ག་རང་ནས་རྒྱན་འགྱེད་དངུལ་སྒོར་6400ལྷག་ཙམ་དང་མཱ་ཅང་གཅིག་གཞུང་བཞེས་བཏང་བ་མ་ཟད། ཁྲིམས་ལྟར་མི་ལྔ་པོ་མངགས་གཏོང་ཁང་དུ་འདྲི་རྩད་དང་ལེན་བྱེད་པར་སྐད་བཏང་བ་རེད།
འདྲི་ཞིབ་བྱས་པ་བརྒྱུད། ཕུན་ཆེ་གེ་མོ་དང་། ཐུབ་ཆེ་གེ་མོ། མིག་ཆེ་གེ་མོ། དཔལ་ཆེ་གེ་མོ་མི་བཞི་དང་། དེ་བཞིན་ཚེ་ཆེ་གེ་མོས་རྒྱན་པོ་འགྱེད་པ་དང་རྒྱན་པོ་འགྱེད་ས་མཁོ་འདོན་བྱས་པའི་ཁྲིམས་འགལ་གྱི་བྱེད་སྤྱོད་ངོས་ལེན་ཞུས་པ་རེད།
མིག་སྔར། ལྷོ་ཁ་གྲོང་ཁྱེར་གྲ་ནང་རྫོང་རྔ་སྒྲ་ཤང་སྤྱི་བདེ་མངགས་གཏོང་ཁང་གིས《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་བདེ་འཇགས་དོ་དམ་ཆད་གཅོད་བཅའ་ཁྲིམས》ཀྱི་འབྲེལ་ཡོད་གཏན་འབེབས་གཞིར་བཟུང་། ཁྲིམས་ལྟར་ཕུན་ཆེ་གེ་མོ་དང་། ཐུབ་ཆེ་གེ་མོ། མིག་ཆེ་གེ་མོ། དཔལ་ཆེ་གེ་མོ་བཅས་ལ་སྲིད་འཛིན་བཀག་ཉར་ཉིན་4བྱས་པ་དང་འབྲེལ་ཡོད་གཏན་འབེབས་གཞིར་བཟུང་ཚོང་ཁང་གི་སྦྱིན་བདག་ཚེ་ཆེ་གེ་མོར་སྐྱོན་བརྗོད་སློབ་གསོ་བཏང་བ་རེད།
