ཕ་ཁི་སི་ཐན་གྱི་ཙུང་ཐུང་ནས་ཀྲུང་གོའི་ཏོག་གསར་འགོག་ཁབ་བརྒྱབ་པ།
སྤེལ་དུས 2021-03-17
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ།
སྤྱི་ཟླ་3པའི་ཚེས་15ཉིན། ཕ་ཁི་སི་ཐན་གྱི་ཙུང་ཐུང་ཨར་ཝེ་དང་སྐུ་ཟླས་མཚན་ཐོ་བཀོད་རྗེས་རྒྱལ་སའི་ཏོག་གསར་གློ་ཚད་ཀྱི་རིམས་འགོག་སྨན་ཁབ་རྒྱག་སའི་ལྟེ་གནས་སུ་ཏོག་གསར་གློ་ཚད་ཀྱི་རིམས་འགོག་སྨན་ཁབ་བརྒྱབ་ཡོད་པ་རེད། ཙུང་ཐུང་གཞུང་ལས་ཁང་གི་མི་སྣས་ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་ཀྱི་གསར་འགོད་པར་ཙུང་ཐུང་ཨར་ཝེས་བརྒྱབ་པ་ནི་ཀྲུང་གོ་རྒྱལ་སྨན་ཚོགས་པའི་ཏོག་གསར་གློ་ཚད་ཀྱི་རིམས་འགོག་སྨན་ཁབ་ཡིན་ཞེས་བརྗོད་ཡོད།
ཨར་ཝེ་ཡིས། ཕ་ཁི་སི་ཐན་གྱི་ཏོག་གསར་གློ་ཚད་རིམས་འགོག་སྨན་ཁབ་ནི་ལོ་ན་ལྟར་བགོ་བཤའ་བརྒྱབ་ཡོད་ཅེས་དང་། ཁོང་གིས་རྒན་རྒོན་རྣམས་ཀྱིས་རིམས་འགོག་སྨན་ཁབ་བརྒྱབ་པ་བརྒྱུད་སྔོན་འགོག་ཡག་པོ་བྱ་དགོས་པའི་རེ་འབོད་གནང་བ་མ་ཟད། མང་ཚོགས་ནས་རིམས་འགོག་སྨན་ཁབ་བརྒྱབ་རྗེས་རིམས་ནད་སྔོན་འགོག་གི་བྱེད་ཐབས་ནན་སྲུང་བྱ་དགོས་པའི་སྐུལ་འདེབས་ཀྱང་གནང་ཡོད་པ་རེད།
ད་ལོའི་སྤྱི་ཟླ་2པའི་ཟླ་འགོར་ཀྲུང་གོའི་སྲིད་གཞུང་ནས་ཕ་ཁི་སི་ཐན་ཕྱོགས་ལ་ཀྲུང་གོ་རྒྱལ་སྨན་ཚོགས་པས་ཞིབ་བཟོ་བྱས་པའི་ཏོག་གསར་གློ་ཚད་ཀྱི་རིམས་འགོག་སྨན་ཁབ་རོགས་སྐྱོར་བྱས་པ་དང་། རིམས་འགོག་སྨན་ཁབ་དེ་དག་རིམས་འགོག་འཐབ་ས་དང་པོའི་སྨན་བཅོས་མི་སྣར་སྔོན་ལ་བརྒྱབ་ཡོད་པ་རེད།
ཕ་ཁི་སི་ཐན་འཕྲོད་བསྟེན་པུའུ་ཡི་གྲངས་གཞི་ལྟར་ན། སྤྱི་ཟླ་3པའི་ཚེས་15ཉིན་བར། ཕ་ཁི་སི་ཐན་དུ་ཏོག་གསར་གློ་ཚད་ཀྱི་རིམས་ནད་འགོས་པའི་ནད་པ་607453ཡོད་པ་དང་། ནད་པ་13537ཚེ་ལས་འདས་པ། ཁྱོམ་བསྡོམས་ནད་པ་571878དྲག་སྐྱེད་བྱུང་ཡོད་པ་རེད།
རྩོམ་སྒྲིག་པ། སངས་སྐྱབས།