ཡོང་འབབ་དམའ་འབྲིང་གི་རྒྱལ་ཁབ་ལ་ཏོག་གསར་རིམས་འགོག་སྨན་ཁབ་འདྲ་མཉམ་ངང་ཐོབ་ཐབས་བྲལ་བ་དེ་ཀུན་སྤྱོད་དང་མཐུན་མེད།
སྤེལ་དུས 2021-04-09
ཡོང་ཁུངས། ཤིན་ཧྭ་གསར་འགྱུར་ཁང་།
རྩོམ་པ་པོ།
ཚེས་5ཉིན། མཉམ་འབྲེལ་རྒྱལ་ཚོགས་ཀྱི་དྲུང་ཆེ་ཀུ་ཐེ་ལེ་སིས་སྔོན་ཚུད་ནས་ཕབ་འཇུག་བྱས་པའི་འཛམ་གླིང་འཕྲོད་བསྟེན་ཉིན་མོའི་བརྙན་ལམ་ཤིས་ཚིག་ནང་ཡོང་འབབ་དམའ་འབྲིང་གི་རྒྱལ་ཁབ་ལ་ཏོག་གསར་རིམས་འགོག་སྨན་ཁབ་འདྲ་མཉམ་ངང་ཐོབ་ཐབས་བྲལ་བ་དེ་ནི་ཀུན་སྤྱོད་དང་མི་མཐུན་པའི་སྣང་ཚུལ་ཞིག་རེད་ཅེས་ནན་བཤད་བྱས་པ་རེད།
ཀུ་ཐེ་ལེ་སིས“ཏོག་གསར་ནད་དུག་གི་ཉམས་ཉེན་ལས་ང་ཚོའི་སྤྱི་ཚོགས་འདྲ་མཉམ་མེད་པ་མངོན་གྱི་ཡོད”དབུལ་ཕོངས་དང་། འཚོ་བ་དང་ལས་ཀའི་ཆ་རྐྱེན་ཡག་པོ་མེད་པས། སྤྱི་ཚོགས་ཀྱི་མཐོང་ཆུང་ལ་འགོག་རྒོལ་བྱེད་པའི་མི་ཚོགས་དང་སྡེ་ཁུལ་བཅས་ཀྱི་ཁྲོད་ཏོག་གསར་རིམས་ནད་ཕོག་ཚད་དང་ཤི་ཚད་དེ་བས་མཐོ་པོ་ཡོད། “ཏོག་གསར་རིམས་འགོག་སྨན་ཁབ་ལག་བསྟར་གྱི་འཆར་གཞི”བཏོན་རྗེས་མིག་སྔར་རྒྱལ་ཁབ་དེ་བས་མང་བར་རིམས་འགོག་སྨན་ཁབ་རག་འགོ་ཚུགས་ཡོད་མོད། འོན་ཀྱང་ཡོང་འབབ་དམའ་འབྲིང་གི་རྒྱལ་ཁབ་ཁྲོད་མི་མང་དག་ཅིག་རིམས་འགོག་སྨན་ཁབ་མི་སྒུག་ཀ་མེད་བྱུང་ཡོད། འདྲ་མཉམ་མིན་ལ་ཀུན་སྤྱོད་དང་མི་མཐུན་པའི་བྱེད་སྤྱོད་འདི་རིགས་ལས་འཛམ་གླིང་མི་དམངས་ཀྱི་བདེ་ཐང་དང་། དཔལ་འབྱོར། སྤྱི་ཚོགས་བཅས་ཉེན་ཁའི་གནས་སུ་གྱར་རྒྱུ་རེད་ཅེས་བརྗོད།
རྩོམ་སྒྲིག་པ། བདེ་སྒྲོལ།