གེགས་ཁུལ་གྱི་འབྲོག་པ་ཚང་མ་སྒྲིག་ཁང་ནང་དུ་སྤོས་ནས་་་་་་
སྤེལ་དུས 2026-11-03
ཡོང་ཁུངས། བོད་ལྗོངས་ཉིན་ཚགས།
རྩོམ་པ་པོ།
གསར་འགོད་པས་ཤེས་རྟོགས་བྱུང་བར། ཟླ11པའི་ཚེས1ཉིན་གྱི་ཆུ་ཚོད12ཏག་ཏག་བར། ས་ཡོམ་གྱི་གནོད་འཚེ་ཚབས་ཆེན་ཕོག་པའི་སྦྲ་ཆེན་རྫོང་གི་དམར་རུ་ཞང་དང་གངས་ཆེན་ཞང་གི་འབྲོག་པ་མང་ཚོགས་གནས་སྐབས་སྡོད་སའི་སྒྲིག་ཁང་བརྒྱབ་ཟིན་ནས། གནས་སྤོས་བཀོད་སྒྲིག་བྱེད་དགོས་པ་ཚང་མ་སྤོས་ཟིན་པ་རེད། འབྲོག་པ་མང་ཚོགས་སྒྲིག་ཁང་ནང་དུ་གང་མགྱོགས་སྤོ་ཐུབ་པར་བྱ་ཆེད། ཉིན་ཤས་བསྟུད་མར་ཨར་པོ་བས་དྲོད་ཚད་དམའ་བ་དང་གསོ་རླུང་དཀོན་པ་སོགས་ཀྱི་དཀའ་ངལ་སྣ་ཚོགས་ཁྱད་བསད་བྱས་ཏེ་སྒྲིག་ཁང་བརྒྱབ་པ་མ་ཟད། སྒྲིག་ཁང་ལ་དུ་ཁུང་བཏོན་པ་དང་གློག་ཁྲིད་པ་སོགས་ལས་དོན་མཐའ་དག་ཚགས་སུ་ཚུད་པ་བྱས་ཡོད། ས་གནས་དེ་གའི་ལས་བྱེད་པས་ཀྱང་དུད་ཚང་རེ་རེ་བཞིན་ལ་གྲལ་བཤེར་བྱས་ནས་མི་གཅིག་ཀྱང་མི་ལུས་པ་དང་དུད་ཚང་གཅིག་ཀྱང་མི་ལུས་པའི་འགན་ལེན་བྱས་པ་རེད། མིག་སྔར་གནོད་འཚེ་ཕོག་པའི་མང་ཚོགས་ཀྱི་གཞི་རྩའི་འཚོ་བ་འགན་ལེན་ཐུབ་ནས་ཐོན་སྐྱེད་དང་འཚོ་བ་སྔར་མུས་ལྟར་སླར་གསོ་བྱས་དང་བྱེད་མུས་ཡིན།
