རྒྱལ་ཡོངས་ཚོགས་འདུ་གཉིས་ལ་ཞུགས་མཁན་བོད་ལྗོངས་ཀྱི་འཐུས་མི་དང་ཨུ་ཡོན་པེ་ཅིང་དུ་འབྱོར་བ།
སྤེལ་དུས 2026-03-05
ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ།
རྩོམ་པ་པོ།
འདི་ནི་རྒྱལ་ཡོངས་ཚོགས་འདུ་གཉིས་ལ་ཞུགས་མཁན་བོད་ལྗོངས་ཀྱི་འཐུས་མི་དང་ཨུ་ཡོན་གནམ་གྲུར་བཞུགས་ཏེ་པེ་ཅིང་དུ་འབྱོར་བ།
འདི་ནི་མི་དམངས་འཐུས་ཚོགས་ཀྱི་འཐུས་མི་རླངས་འཁོར་ནང་བཞུགས་གནས་སུ་ཕེབས་པའི་ལམ་བར་དུ་གནམ་བདེ་སྒོ་མོ་ཆེའི་ཐང་ཆེན་བརྒྱུད་བཞིན་པ།
ཟླ་3ཚེས་3ཉིན་གྱི་ཕྱི་དྲོར། བོད་ལྗོངས་ཡོངས་ཀྱི་མི་རིགས་ཁག་གི་མང་ཚོགས་ཀྱི་རེ་སྒུག་དང་མངགས་བཅོལ་ཟབ་མོ་བསྣམས་ནས་རྒྱལ་ཡོངས་ཚོགས་འདུ་གཉིས་ལ་ཞུགས་པར་ཕེབས་པའི་བོད་ལྗོངས་ཀྱི་འཐུས་མི་དང་ཨུ་ཡོན་གནམ་གྲུར་བཞུགས་ཏེ་རྒྱལ་ས་པེ་ཅིང་དུ་འབྱོར་ནས་དཔྱིད་དུས་ཀྱི་ཚོགས་འདུ་གཟབ་རྒྱས་འདིར་ཞུགས་པ་རེད།
2026ལོ་ནི་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་ངོ་105འཁོར་བ་དང“ལོ་ལྔ་ཚན་བཅོ་ལྔ་པའི”འགོ་ཚུགས་ལོ་ཡིན་པས། ད་ལོའི་རྒྱལ་ཡོངས་ཚོགས་འདུ་གཉིས་ཡག་པོ་འཚོག་པར་དོན་སྙིང་གལ་ཆེན་ལྡན་ཡོད།
ཚོགས་འདུ་མ་འཚོགས་གོང་། རྒྱལ་ཡོངས་ཚོགས་འདུ་གཉིས་ལ་ཞུགས་མཁན་བོད་ལྗོངས་ཀྱི་འཐུས་མི་དང་ཨུ་ཡོན་ཚོས་ལས་གནས་ལ་གཞི་ཚུགས་པ་དང་རང་ངོས་ཀྱི་ཁྱད་ཆོས་དང་ལེགས་ཆ་འདོན་སྤེལ་གང་ལེགས་བྱས་ཏེ། “རྒྱལ་ཁབ་ཀྱི་དོན་ཆེན”དང“དམངས་ཀྱི་དོ་ཁུར་བྱ་ཡུལ”ལ་དམིགས་པ་དང་། “དོན་ཆེན་བཞི”དོན་འཁྱོལ་དང་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་འཇུར་མིག་གི་གནད་དོན་ལ་དམ་པོར་དམིགས་པ། ནུས་རྒྱུ་གཙང་མ་གསར་སྤེལ་དང་ཕྱིར་གཏོང་ལ་སྐུལ་འདེད་གཏོང་བ་དང་། ཁྱད་ལྡན་ལེགས་ལྡན་ཐོན་ལས་རྒྱ་སྟོབས་ཆེ་རུ་གཏོང་བ། སྐྱེ་དངོས་ཀྱི་སྣ་མང་རང་བཞིན་ལ་སྲུང་སྐྱོང་བྱེད་ཤུགས་ཆེ་རུ་གཏོང་བ། ཐག་རིང་ལུང་ཁུག་གི་ཞིང་འབྲོག་ཁུལ་གྱི་གློག་དྲ་འཛུགས་སྐྲུན་འཐུས་སྒོ་ཚང་དུ་གཏོང་བ་བཅས་ལ་དམིགས་པ། མཐའ་མཚམས་ས་ཁུལ་གྱི་གྲོང་གསེབ་སྨན་པ་གསོ་སྐྱོང་ལ་ཤུགས་སྣོན་རྒྱག་པ་དང་། རིག་དངོས་གནའ་ཤུལ་དང་མངོན་མིན་རིག་གནས་ཤུལ་བཞག་གྲངས་འཛིན་ཅན་གྱི་སྲུང་སྐྱོང་ལ་སྐུལ་འདེད་མགྱོཌ་པོ་གཏོང་བ། ས་མཐོའི་མཛེས་མཐུན་གྲོང་གསེབ་འཛུཌ་སྐྲུན་ལ་ཤུགས་སྣོན་རྒྱག་པ་སོགས་ལ་བརྟག་དཔྱད་ཞིབ་འཇུག་གཏིང་ཟབ་དང་། བསམ་འཆར་དང་གྲོས་འགོ་རྒྱ་ཁྱབ་ཏུ་ཉན་ནས་སྤུས་ཚད་མཐོ་བའི་གྲོས་འགོ་དང་གྲོས་གཞི་འདོན་པ་དང་། ཚོགས་ཆེན་གྱི་སྙན་སྒྲོན་ཁག་ལ་གྲོས་ཞིབ་དང་གྲོས་བསྡུར་གནང་རྒྱུའི་ཐད་གྲ་སྒྲིག་ཨང་བསར་གནང་བ་རེད།
