རྒྱལ་ཡོངས་སྲིད་གྲོས་སྐབས་བཅུ་བཞི་པའི་ཚོགས་འདུ་ཐེངས་བཞི་པ། ཟླ3ཚེས4ཉིན། རྒྱལ་ཡོངས་སྲིད་གྲོས་སྐབས་བཅུ་བཞི་པའི་ཚོགས་འདུ་ཐེངས་བཞི་པ་མི་དམངས་ཚོགས་ཁང་ཆེན་མོར་གཟབ་རྒྱས་ངང་འགོ་ཚུགས་པ་རེད། བོད་ལྗོངས་སུ་བཞུགས་པའི་རྒྱལ་ཡོངས་སྲིད་གྲོས་ཀྱི་ཨུ་ཡོན་ཚོས་ལྗོངས་ཡོངས་ཀྱི་མི་རིགས་ཁག་གི་མི་དམངས་ཀྱི་རེ་སྒུག་དང་མངགས་བཅོལ་ཟབ་མོ་ཕྲག་ཏུ་ཁུར་ནས། རྒྱལ་ཡོངས་ཀྱི་ས་གནས་ཁག་ནས་ཕེབས་པའི་ཨུ་ཡོན2000ལྷག་ཙམ་དང་མཉམ་དུ་ཚོགས་ཆེན་གཟབ་རྒྱས་ལ་ཞུགས་པ་རེད།
ཕྱི་དྲོའི་ཆུ་ཚོད3པ་ཙམ་ལ་ཚོགས་ཆེན་འགོ་ཚུགས་པ་དང་། བརྗིད་ཉམས་ལྡན་པའི་རྒྱལ་གླུ་མི་ཁྲི་ཤོངས་པའི་མི་དམངས་ཚོགས་ཁང་ཆེན་མོར་ཡོངས་སུ་གྲགས།
ཚོགས་འདུའི་རིང་ལ། རིགས་ཁོངས10ཡི་བོད་ལྗོངས་སུ་བཞུགས་པའི་རྒྱལ་ཡོངས་སྲིད་གྲོས་ཀྱི་ཨུ་ཡོན28ཀྱིས་ཐབས་འདོན་ཇུས་འབུལ་ཧུར་ཐག་དང་སེམས་ནུས་གཅིག་སྒྲིལ་གྱིས་ཚོགས་ཆེན་ལ་བློ་གྲོས་དང་སྟོབས་ཤུགས་སྐྱེས་སུ་འབུལ་རྒྱུ་རེད།
པར་རིས་ཀུན་འདུས།
